|
مفيش دبرياج خالص
السلام عليكم
انا يا جماعه نزلت بالعربيه من شويه وكانت كويسه جدا وجريت بيها وبعدين ركنت قدام سوبر ماركت قريب من البيت ونزلت اشترى حاجه رجعت ادور العريبه لقيت مفيش دبرياج خالص ادوس على دواسه الدبرياج الاقى الدبرياج وقع فى الارض !!!!!!!!!!!!! طبعا الحمد لله انى كنت قريب من الجراج شغلت الانتظار وبقيت ابطل وادى الاول وادور واقرص بنزين ياترى دى مشكله ايه يا جماعه مع العلم انى السنه اللى فاتت مغير طقم دبرياج كامل مستر علوى ومستر سفلى واسطوانه وديسك ! ملحوظه انا كان فى صوت غريب بسمعه وانا بخرج بالعربيه من الجراج وده بيحصل لما الف دركسيون للأخر صوت كده عامل زى صوت كاوتش بيخبط او زى صوت عجله العريبه لما تبقى نايمه وانت ماشى بيها مش عارف هل الصوت ده ليه علاقه بالمشكله ولا ده ليه علاقه بالدركسيون والباور ! أرجو الافاده |
رد: مفيش دبرياج خالص
انا النهارده روحت اشوفها لقيتها مش بتدور بسهوله يعنى بتغيب اوى ولازم أكبس بنزين جامد عشان تلقط !!!!!!!!!!
هل ده ليه علاقه انهم فى الجراج عشان يحركوها بيجيبوا الاول هيا مبطله وبعدين يدوروها !!!! انا خايف ادخل فى شغل موتور كمان ياريت يا جماعه اى حد يفيدنى |
رد: مفيش دبرياج خالص
:bb127bc6eab060e3e23اية الي يخليهم يدوروها وهيا بايظة:bb127bc6eab060e3e23
ياباشا اقطرها لاقرب ميكانيكي ياامااسطوانة يا اما فرش الي هيا شوكة الدبرياج |
رد: مفيش دبرياج خالص
اقتباس:
هما دوروها عشان يحركوها لان الجراج زحمه وشافونى بليل وانا جاى بعمل كده فقلدونى :pty: هنشوف الميكانيكى ان شاء الله بس ازاى اسطوانه ده انا السنه اللى فاتت زى اليومين دول مغير اسطوانه وديسك ومستر دبرياج علوى ومستر سفلى وعلى ما اعتقد ان الاسطوانه من الحاجات المعمره يعنى بتتغير كل خمس سنين مثلا هل ممكن يكون الماستر ؟ |
رد: مفيش دبرياج خالص
السلام عليكم ممكن حصل تهريب للزيت من الماستر او في مشكله في الفرش والله اعلى واعلم والله المستعان |
| الساعة الآن 04:43 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017