رجاء من اعضاء المنتدى الحبيب مشكلة فى بلية الدبرياج
 

مش هطول عليكم

سيارتى الريتمو المزعجة جدا ان مسميها ريتمو مشاكل

نخش فى الموضوع

بلية الدبرياج صوتها بقى عالى عند الضغط على الدبرياج الاول الصوت مكنش بيظهر الا لما تدوس على الدبرياج للاخر

وبعدين لقيت الدبرياج وطى والغيارات بقت مبتجيش بسهولة بالذات الغيار الاول التانى فبدات ارجلش واير الدبرياج علشان يعلى ويجيب الغيار مشى الحال تمام فترة حوالى اسبوع

ولان مشوارى كلها داخل المدينة والتحميل على الدبراج فى الزحمة والاشارات مستمر غصب عنى

لانك ماشى تاتا تاتا واساسا الاول بيدقر زى التانى فمن الصعب ان كل ثانية تمور الفتيس وترجع تدى غيار

رجع الدبرياج واطى تانى والغيارات بقت اصعب رحت مرجلش تانى هنا بقى صوت البلة بيظهر اول ما تحط رجلك على الدبرياج الاول كان لازم تنزل لغاية تحت عشان تسمع الصوت الخشن بتاعها

دلوقت لا اول ما تلمس الدبرياج تسمع الصوت والواير معدش فى مجال للرجلشة تاى

دلوقتى بقى لما الغيارات تتقل تانى اعمل ايه

مع العلم ان سحب العربية تمام قوى واختبرت الاسطوانة لقها تمام رفعت فرامل اليد وطلعت على الرابع

العربية ما شاء الله طلعت بدون رجرجة فانا وبما انى شارى العربية قريب من شهرين

فعاوز امشى على الاسطوانة شوية كمان لغاية لما احل واغير بلية واسطوانة وديسك

هل ده صح ولا غلط وصوت البلية اللى قرب قوى ده معناه ايه غير خشونة البلية

وهل ده ياثر على عمود الدرك والدسك ولا لا

وتقريبا كده امشى عليها اقد ايه كمان ولا احل واغير على طول

ارجو الاهتمام والافادة

شكرا

رد: رجاء من اعضاء المنتدى الحبيب مشكلة فى بلية الدبرياج
 

فك الفتيس وغير البلية واكشف على الديسك غالبا هتلاقى البلية قافشة فى الديسك قطع غيار مش كويسة :w6w200504112236376d

رد: رجاء من اعضاء المنتدى الحبيب مشكلة فى بلية الدبرياج
 

حضرتك لو كملت كده البلية هتفرط و تقف بيك وسط الشارع و هتفك الفتيس بردو. هات من الأخر و بلاش تمرمط نفسك.

رد: رجاء من اعضاء المنتدى الحبيب مشكلة فى بلية الدبرياج
 

رد: رجاء من اعضاء المنتدى الحبيب مشكلة فى بلية الدبرياج
 

شكرا لكم جميعا

واضح ان الاراء كلها مجمعةعلى تغيير طقم الدبرياج

لكن لو لقيت الدسك سليم اكتفى بتغيير البلية ةالاسطوانة ولا اغير كله وخلاص