جوان طرمبة بنزين الفيرنا اللى مجننى
 

سلام لاعضاء المنتدى الجميل الكرام انا عندى مشكلة مجننانى :shwt: من جوان طرمبة البنزين بتاع الفيرنا, لما بفول العربية بيبقى فى ريحة بنزين كل مطب او كل ملف وعرفت السبب انه الجوان بتاع الطرمبة بيطلع البنزين ومش بتروح الريحة غير لما التنك يقل شوية, بعد البحث واللف والسؤال عن الجوان ( جديد واستيراد ) وشراء انواع مشابهة والفشل فى تركيبها رحت التوكيل واشتريت واحد كان شبه جوان جديد جربته وما نفعش ولما قلتلهم فى التوكيل ان نفس الشكل والمقاس ده جربته وما نفعش راح المهندس فتحلى علبة طرمبة بنزين جديدة وطلع هو ( ملحوظة فى واحد فى الصيانة قال ان فى شكلين للجوان بس هو مش متأكد ) وطبعا بعد ما اشتريته وفشلت فى التركيب ورحت للميكانيكى وفشل هو كمان حاولنا نزود ونعمل وش زيادة على الجوان القديم ( اللى مش شبه الجديد نهائى وللاسف مش عارف قصته عشان العربية مستعملة) وبرضه ما نفعش, معلش طولت شوية بس عشان احاول اقول المشكلة بالتفصيل ( ملحوظة العربية موديل 2007 1600cc )

رد: جوان طرمبة بنزين الفيرنا اللى مجننى
 

هو انا مش عارف ليه محدش عبرنى ورد عليا بس انا هارد على نفسى:
التنك كان قرب يفضى ومع ذلك ريحة البنزين شغالة فلما شيلت الكنبه اللى ورا عشان اشوف الطرمبة وهى شغالة لما دوست على الخرطوم اللى بيودى البنزين للرشاشات لقيت ان الجزء البلاستيك اللى فى وش الطرمبة وراكب فيه الخرطوم مشروخ من تحت وهو اللى بيطلع بنزين لما ادوس بنزين ولما اركب حد فى الكنبة اللى ورا وتم تغيير وش الطرمبة ومفيش بنزين بيطلع.... بس انا برضه لسه مش فاهم الجوانات اللى جبتها مش راضية تركب عندى ليه؟؟؟؟؟؟

رد: جوان طرمبة بنزين الفيرنا اللى مجننى
 

اومال بتسأل ليه يا اخى طالما انت عارف الاجابه اهو

عموما كده ممكن تكون الجوانات اللى حضرتك اشتريتها مش بتاعتها
هتقولى البائع قالك انها بتاعتها
هقولك هم أكثر ناس مش عارفين حاجه

رد: جوان طرمبة بنزين الفيرنا اللى مجننى
 

ياااااااااااه دا فى حد عبرنى ورد عليا أهو الحمد لله عموما للى متابع وعايز يفهم انا هشرح دلوقتى:-
الفيرنا اللى نازلة فيها نوعين من تانك البنزين نوع صاج ونوع فبر وأنا النوع اللى عندى صاج اما اغلب الانواع الحاية كلها فبر عشان كده الجوان اللى راكب فى الطرمبة الجديدة اللى فى التوكيل أو اللى بيتباع عند أى حد بتاع قطع الغيار هو بتاع الفبر وبيكون أعرض واطول شوية من بتاع التنك الصاج وده كان السبب انى كل ما اشترى جوان ما يركبش عندى........ المشكلة بقى ان العيب طلع من التانك نفسه عشان صاحب العربية الاصلى ( ربنا يسامحه ) ربط الطرمبة فى التانك بكام مسمار طويل حبتين فخلى الوش الحديد اللى فى التانك اللى بتتربط فيه الطرمبة يفك عن التانك وهو ده سبب ريحة البنزين وخصوصا لما افول وانا لحمت وش التنك بلحام 2*1 والدنيا تمام :10FEE3~1106:

رد: جوان طرمبة بنزين الفيرنا اللى مجننى
 

ياااااااااااه دا فى حد عبرنى ورد عليا أهو الحمد لله عموما للى متابع وعايز يفهم انا هشرح دلوقتى:-
الفيرنا اللى نازلة فيها نوعين من تانك البنزين نوع صاج ونوع فبر وأنا النوع اللى عندى صاج اما اغلب الانواع الحاية كلها فبر عشان كده الجوان اللى راكب فى الطرمبة الجديدة اللى فى التوكيل أو اللى بيتباع عند أى حد بتاع قطع الغيار هو بتاع الفبر وبيكون أعرض واطول شوية من بتاع التنك الصاج وده كان السبب انى كل ما اشترى جوان ما يركبش عندى........ المشكلة بقى ان العيب طلع من التانك نفسه عشان صاحب العربية الاصلى ( ربنا يسامحه ) ربط الطرمبة فى التانك بكام مسمار طويل حبتين فخلى الوش الحديد اللى فى التانك اللى بتتربط فيه الطرمبة يفك عن التانك وهو ده سبب ريحة البنزين وخصوصا لما افول وانا لحمت وش التنك بلحام 2*1 والدنيا تمام :10FEE3~1106: