|
تركيب سوست للأف 3
يا جماعه كنت ماشى من يومين كده وشوفت تاكسى أف3 معالى العربيه أكنه راكب شيفوليه دبابه جريت عليه وسألته أنت مركب علايات ولا سوست قالى سوست أستغربت المهم قام مدينى أعلان بتاع ورشة سوست فى شارع المطار بتاع أمبابه واحد أسمه أحمد أو أشرف مش فاكر المهم الأعلان معايا أتصلت بيهم وسألتهم قالولى بنلركب 4 سوست جديده للعربيه ب 350 جنيه وقولتلهم السوست القديمه قالى بتاعتك ماشى يبقى الصليه هشلها المهم أيه رأئى اهل الخبره أروح أركب السوست الجديده ديه مخاليا العربيه أكنك راكب 4*4 أه نسيت أقؤلكم لما شفت التاكس مشيت وراه مسافة كبييره ولاحظت أن العربيه مش بتعوم أو بتحدف منه يمين أو شمال فى المطباط العربيه فى المطباط طالعه نازله فوق وتحت مفيش يمين وشمال مش برضه تبقى حاجه كويسه أرجوكم أفيدون أركبهم ولا لاء ولوه أه ليه ولو لاء ليه يعنى كل واحد يحط رأيه والسبب.
|
رد: تركيب سوست للأف 3
طبعا العلو فى العربيات حلو
لكن لازم تبقى على طبيعتها والعلو الزيادة بتخلى الزوايا تخلف وماتحكمش عليها وهى ماشية عدل احكم عليها لو ضرب فرامل فجأة :CONGRA~238: |
رد: تركيب سوست للأف 3
متركبهمش
لان التاكسى مركبهم عشان طول الوقت محمل ناس فى الكنبة +اسطوانة الغاز العربية على طبيعتها احسن وحاسس ان العلو المبالغ فية دة هايبوظ المساعدين بدرى |
رد: تركيب سوست للأف 3
اقتباس:
صح الصح ................. علشان كده لما عليت عربيتى كان بمقدار بسيط جدا واعتمدت على ان السوست اللى ركبتها اتخن بحاجة بسيطة من الاصلية فأصبحت مبتهبطش عند التحميل بمقدار كبير مثل الاصلية SLAMSLAM |
رد: تركيب سوست للأف 3
السيارة كل ما كانت قريبة من الارض بتبقي فيها ثبات على السرعات العالية و المناورات وانا شايف ان العربية على طبيعتها احسن خصوصا ان قاعدة العجلات عريضة وده بيعطي ثبات اكثر
|
| الساعة الآن 03:57 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017