اللمبه منوره بعد ال 70 بتطفي
 

والحمد لله انا لسه مغير موبينه لكن ظهرت مشكله جديده لمبة التشك نورت وبقت تطفي لما العربيه سرعتها تعدي ال 70 كيلو بالظبط حد ممكن يفيدني

رد: اللمبه منوره بعد ال 70 بتطفي
 

و الله اعلم الموبينة مش اصلى ديى صينى
لو جربت تعمل سكان حيديك إيرور فى ملف من الاتنين يا ال A او ال B
لو فعلا السكان طلع ملف موبينا يبقى لازم تشترى الاصلى

رد: اللمبه منوره بعد ال 70 بتطفي
 

المشكله دي بنسبه كبيره الترموستات مش شغاله فعشان كده شغلها وهي واقفه وشوف المروحه شغاله ولا لو مش شغاله الحق نفسك واعملها قبل ما تطيرلك حاجات كتير وربنا يسترها معانا ومعاك

رد: اللمبه منوره بعد ال 70 بتطفي
 

حطتها علي سكانر ولقيت حساس مش عارف ايه هو الفيشه بتاعته متشاله ومكانه متكسر تحت المانوفيلد سالت الكهربائي هو الجهاز كاتبللك ايه العيب قالي حساس الكانستر .

في حاجه عاوز اقولها بس اولا اللمبه طلعت بتطفي مع الار بي ام العالي مش مع السرعه .

ثانيا انا اول مجبت العربيه حصل معايا حاجه زي كده وكان في خرطومين مفصولين ورا المانوفيلد مكنتش عارف بتوع ايه رحت لواحد كهربائي قالي برده الكلام دوة قالي الجهاز قاري معايا بلف ال egr ونزل تحت العربيه ووصل خرطوم بطريقه معينه راحت اللمبه طفت وقالي الحساس متكسر مكانه ولو عاوز واحد زيه هاته من الحرفيين بس انا خلاص حلتلك المشكله وكبر دماغك . وفعلا بصراحه مكنشي معايا اي مشاكل في العربيه فكبرت ( بس لدع مني 100 جنيه ) . فخايف اروحله تاني ليلدع مني 100 جنيه تاني .

والسبب اصلا انه اللمبه نورت الميكانيكي كان بيغيرلي سير الكاتينه وقولته في خرطوم فاصل ومش عارف بتاع ايه ممكن توصلهولي مكانه راح لاعب في الظبط اللي كان عامله الكهربائي الاولاني وغير في الخراطيم ومعرفشي يرجعهالي تاني تخلي اللمبه تفصل وقالي غير الحساس دوة احسن .
بالنسبه للموبينه بالفعل انا جربت كذا موبينه صيني وكانت اللمبه منوره وجبت في الاخر واحده كوري وظبطت معايا واللمبه طفت وبعد كام ساعه ظهرت المشكله دية والكهربائي قالي الكلام اللي حكيته فوق .

رد: اللمبه منوره بعد ال 70 بتطفي
 

الكانستر ؟
مش دا علبة الفحم اللى جنب التانك ؟ دا بيفتح صمام عشان يودى بنزين او بخر بنزين للمانيفولد