معايا فى حدود 15 الف ومحتار اجيب عربية نوعها ايه
 

.... لو سمحتوا حد يساعدنى .... معايا فى حدود 15 الف ومحتار اجيب عربية نوعها ايه وانا نفسى فى حاجة تكون باور وكدا او ينفع يتركبلها دركسيون باور وتابلوه شيك كدا وانا حابب تكون هاتشباك بس بعيد عن الماروتى عشان صغيرة اوى وبحس انها زى التوكتوك كدا وما تليقش بحد كبير ..... وانا قدامى فيات 131 كوبيه شبابى عامله 12 الف هاروح اشوفها بعد كام يوم فا ايه رايكوا اجيبها ولا ايه الوضع ويا ترى ينفع اجددها واجيب تابلوه جديد وقطع غيارها سهلة ولا ...... وينفع الباور فيها ولا لا مستنى تعليقاتكوا ...... واسف للاطالة :fun_7_5_128[1]:

رد: معايا فى حدود 15 الف ومحتار اجيب عربية نوعها ايه
 

ال 131 الكوبية ديه ممكن تتظبط وتبقى جميلة طبعاً بس المهم حالتها ايه والاساسيات تبقى سليمة وطبعاً اذا كل ده تمام ونويت تظبطها هتحتاج ميزانية تانية علشان توصلها لستايل جامد يعنى زى ما بتقول تعديلات فى الصالون وفرش وممكن تكون محتاجة دهان وممكن طقم جنوط وكل ده ممكن يكلفك الافات تانى وخد بالك بعد كدة البيع مش هيبقى سهل لان العربيات الكوبية عموماً مش بياعة اوى وطبعاً مصاريفك عليها ممكن متلاقيش حد يقدرها فاحسبها كويس وروح شوفها واستخير ربنا قبل ما تشترى

http://www.motorstown.com/images/fiat-131-2.0-01.jpg

رد: معايا فى حدود 15 الف ومحتار اجيب عربية نوعها ايه
 

تمااااااااااااام يا باشا الف شكر على مرورك ...... بس تصدق انا كنت افتكر الكوبيه بتاعها هاتشباك هيا صراحة هيا مش داخلة دماغى اوى انا بس ممكن اوصل اللى معايا ل 18 الف وده هيبقى اقصى حد معايا حاليا ونفسى فى حاجة انضف ولو مثلا ريجاتا موديل 86 وحابب ااخد رايك فيها وكان معروض على دوبيزل من كام يوم شاهين موديل 98 وب 20 الف فا مش عارف اختار انا عموما نفسى فى حاجة وتكون باور وخلاص لانى اتعودت عالباور بطريقة عبيطة من كتر ما بسوق عربية اخويا النوبيرا فا اتعودت

رد: معايا فى حدود 15 الف ومحتار اجيب عربية نوعها ايه
 

الـ سيتروين AX هى اللى هاترضى غرورك

رد: معايا فى حدود 15 الف ومحتار اجيب عربية نوعها ايه
 

مش غرور يا نجم ولا حاجة هى عملية ارتياح نفسى مش أكتر وحبى للحاجة دى