مشكلة بعد تغيير اسطاونة وديسك وبلية
 

السلام عليكم ورحمة الله وبركاته
امبارح كنت ماشي بعربيتي زوبة 128 وبعدين حسيت ان صوت الموتور بيعلى ومفيش سحب زي ما يكون فيه حاجة بتفوت رجعت من الشغل على الميكانيكي اللي جنب البيت عندي في الشيخ زايد قالي كدة شكلها ديسك واسطوانة هانفرفع العربية ونشوف بدأ يفك العجلتين والكبالين لحد ما وصل للاسطاونة والديسك وطلعهم لقاهم متاكلين خالص قالي عاوزين طقم من عند الشيخ احمد اللي جانبي ده روحت للشخ احمد اداني الطقم بـ 300 جنيه ايطالي على كلامه اسطوانة وديسك وبلية وكاوتشة زيت كوبلن والميكانيكي قفل العربية وفاجئني بالمصنعية 130 جنيه وده بدل 150 جنيه يعني عامل معايا واجب المهم النهاردة طول الطريق من الشيخ زايد للمهندسين مش عارف اتعامل مع العربية زي ما يكون اول مرة اسوق العربية بتعوم والغيارات فيها نتشة ومش عارف اظبط ضغطة رجلي على الدبرياج
مش عارف ده طبيعي ولا في حاجة غلط؟؟؟؟
آسف للاطالة

رد: مشكلة بعد تغيير اسطاونة وديسك وبلية
 

بما انة فك العفشة كلها تقريبا عشان يفك الفتيس
يبقى اكيد فى حاجة فى التقفيل مش مظبوطة
ممكن يكون مسمار المقص او مسمارين المساعد مفكوكين ومش مربوط كويس
او كاوتش الطعمية بتاع المقص
لازم تراجع رباط العفشة دة احتمال رقم 1

الاحتمال التانى ان كان فية تخويش لاماكن مسماير المساعد ولما جة يقفل قفل على عدلة المساعد مش على مكان المسمار القديم
انما فى كل الاحوال حضرتك كان لازم تظبط زوايا امامى

موضوع النقلات فيها صعوبة
دى سهلة محتاج بس ترجلش على سلك الدبرياج نمرة واحد
نمرة 2 تظبط استقامة وعدلة العصايا من مسمار المعلقة من تحت

بس بينى وبينك المصنعية كتير حبتين
اعتقد ان الشغلة دى من 75 الى 100 جنية

رد: مشكلة بعد تغيير اسطاونة وديسك وبلية
 

انا كنت حاسس ان المصنعية كتير بس مكنش فيه بديل بس ان شاء الله النهاردة هاروح اظبط زوايا واقولك على النتيجة وشكرا على اهتمامك وردك:CONGRA~238: