النيسان الصني ولا الجين تو او بيرسونا
 

عاوز اخد رأيكم ايه احسن عربية في دول
النيسان الصني ولا الجين تو او بيرسونا
مع العلم انى عاوز اجيب عربية متزدش عن 110 الف
ارجو الافاده بسرعة
ولو في اقتراحات تانية
بس متزدش في السعر ياريت تنصحوني
عشان انا دايخ

رد: النيسان الصني ولا الجين تو او بيرسونا
 

لو أنت قابل شكل النيسان صني هاتها بس أنا مش بحب شكلها و بعدين عموماً أنا مش بحبذ التقفيل المصري :w6w200504112236376d ، بالنسبة للجين تو و البيرسونا فهما عربيات محترمة جداً و أنا أرشحهملك و أختار مابينهم علي حسب ما أنت عايز لأن الفرق الوحيد أن دي هاتش باك و دي صالون و أي إستفسار أنا تحت أمرك :CONGRA~238:

رد: النيسان الصني ولا الجين تو او بيرسونا
 

والله انا كنت بحب الجيت تو جدا وكنت مغرم بيها وبسبب سعرها كمان لكن فوجئت ان سعرها وصل من 93000 الي 95000 الي 105000 مرة واحده
وده سعر بالنسبة لعربية ماليزي (مع ملاحظة الموتور انجليزي محترم ) السعر عالي حبتين لانه كان ميزة دولوقتي اصبح عيب ... انا في نفس وضعك ومش قادر ازود عن ال110,000 بس انا روحت وشوفت الصني الجديدة بنفسي من اول مرة مقتنعتش بيها بس لما ركبت الجيت تو موديل 2010 بتاعة واحد زميلي حسيت انها عادية زي اي عربية تانية داخل البلد ( مع مراعاة انها ممتازة علي الطرق السريعه والصحراوي ) بس هرجع اقولك اني ناويت علي الصني الشكل الجديد هو غريب حبتين بس مميز ومتهيئلي من اختياراتك انك بتحب تركب الحاجة الغير تقليدية وصدقني التويوتا الياريس لما نزلت ناس كتيييييييييير اتريقت علي العربية من بره و التابلوه بعد كده سعر العربية دي زاد اكتر من 30.000 جنيه من غير زيادة سعر الدولار ولا حاجة فانا من وجهة نظري انها مميزة من حيث الشكل مع تخفظ انه غريب حبتين.... الامر التاني والاهم انا هضطر اتاخر شوية واجمع مبلغ او اقسط الباقي علشان اجيب السوبر صالون لان الفرق بين العربيتين كبير جدا دا مش كلامي انا بس ممكن حضرتك ترجع لزملائنا الاكثر خبرة في قسم nissan sunny كمان العربية ياباني الاصل وتقفيلها في مصر لا يتعدي ال40% يعني الفرش والجنوط
و الزجاج ودي حاجات مفيهاش مشكلة كبيرة دا لو كان فيها مشكلة اصلاً وسعر اعادة البيع المتوقع ليها عالي لان نيسان بدات تحسن من موضوع الصيانة وقطع الغيار
ربنا يوفقك للأصلح ويرزقك خيرها ويكفيك شرها ان شاء الله

رد: النيسان الصني ولا الجين تو او بيرسونا
 

انا ارشحلك البروتون طبعا سبات وقوة سيارات شبابية محترمة
الصنى تقدر تشوف الموضوع دا يمكن يساعدك
http://www.masrmotors.com/vb/showthread.php?t=107810
:Wkiss5:

رد: النيسان الصني ولا الجين تو او بيرسونا
 

صنى بس الشكل القديم
الشكل الجديد لالالالالالالالالالالالال الالالالالالالا