عندي عطل مجنني في فيات 125
 

انا عندي عربية فيات 125 ايطالي 1500cc
من حوالي شهر خرجت بيها مشوار وكانت كويسة وجت وانا بركنها عند البيت لقيتدخان طالع من الكبوت فتحت لقيت المارش مدخن فجريت جبت الكهربائي قاليالمارش سليم والعيب في مفتاح الكونتك ( بيلف على الفاضي !! )
المهم من بعدها كل ماخرج بيها تمشي شوية وتبطل وتقعد فترة عقبال ماتدورتاني جبت ميكانيكي قالي وساخة كاربراتير ونظفه وبقه تمام وأخيرا بعدهابيوم نازل ادور مادارتش ( عملت صوت تك تك زي ماتكون البطارية بايظة ) فسبتها بتاع اسبوع او اكتر وجيت ادورها دارت من اول لطشة زي مابيقولواوفضلت دايرة بتاع ساعة والنور شغال وكله تمام رحت مبطلها وجيت ادور فيساعتها عملت نفس الحركة ( تك تك ) وحلفت ماهي دايرة مع العلم ان النور والكلاكس شغالين

أرجو حد يساعدني لأن خلاص انا راميها في الشارع ومش لاقي حل واسف على الاطالة
<o:p></o:p>
<o:p> </o:p>
<o:p> </o:p>
<o:p> </o:p>
<o:p> </o:p>
<o:p> </o:p>
<o:p> </o:p>
<o:p> </o:p>

رد: عندي عطل مجنني في فيات 125
 

العطل واضح جدا من كلامك, و هو يتخلص فى المارش, لأنك كما تقول العربية دارت بعد تركها أسبوعا, و هى باردة, و لكن بعد الدوران لمدة ساعة, سخن المارش و لم يدور.
و غالبا هذه المشكلة تنحصر فى الأوتوماتيك, فيجب تغييره, و عموما أعطال المارش بسيطة و غير مكلفة فى معظمها.
غالبا المشكلة جات كنتيجة للمشكلة الأولانية "مفتاح الكونتاكت", لأن المارش لف مع المحرك نظرا لأن الكونتاكت معلق على وضع تشغيل المارش, مما ادى الى عطل المارش.
الحل أن تصلح الكونتاكت أولا, ثم تصلح المارش عند اى كهربائى و لن يكلف الأمر كثيرا.

رد: عندي عطل مجنني في فيات 125
 

كلامك مظبوط 100 %
ويا حبذا لو كشفت على البطارية عند الكهربائى باردو

رد: عندي عطل مجنني في فيات 125
 

بالضبط كده زي ما الباشمهندس فادي قال
اتوماتيك المارش هو اللي عمل كل دا.
الافضل تغير و تعمل صيانه للمارش
و تشوف الضفيره لان الدخان اللي طالع دا ممكن يكون سلك من الضفيره سايب
و لمس في جسم العربيه عمل الدخان دا.
المضووع مالهوش علاقه بالميكانيكي كله كهربائي.
بس عاوز اعرف حاجه هيا العربيه موديل كام
لان ال 125 الايطالي 1600 سي سي
و البولندي هيا اللي 1500 سي سي

رد: عندي عطل مجنني في فيات 125