محتاج رائيكم في لوجان اتوماتيك
 

السلام عليكم
انا ان شاء الله ناوي اجيب عربيه جديده في حدود 90000 وده اخري بعد ما استلف شوية فلوس كمان
انا كان معايا لوجان مانيوال 2012 وبعتها لظروف سفر ودي كانت اول عربية ليه

دلوقتي انا نازل مصر تاني وطبعا الاسعار ولعت علي الاخر وقعدت افكر اجيب عربية ايه
طبعا كل اسعار العربيات زادت وخصوصا اللوجان فانا كنت بسال ب 90000 دول فيه حاجه تانيه ممكن تتجاب غير اللوجان اتوماتيك ولا دي هتبقي احسن صفقه بالسعر ده

وهل في اي حد اشتكي من موتور او فتيس الاتوماتيك ولا لا
وهل هي متوفره في المعارض في الاسكندريه بسهوله وسعرها كام واستلمها بعدها بقد ايه
وهل في اي اختلاف في الكماليات بنها وبين المانيول ولا لا

مستني ردودكم

رد: محتاج رائيكم في لوجان اتوماتيك
 

أنت في الحدود دي تقدر تجيب
1 - هيونداي فيرنا (مفضلهاش)
2 - اللوجان (كويسة و بدأت تنتشر و هي كانت معاك يعني أكيد أنت عارفها كويس أكتر مني)
3 - بي واي دي FRV Cross (صيني بس كويسة)
4 - شيفرولية أفيو

_______________

لو أنت عادي تجيب مستعمل قدامك :-

1 - هيونداي ماتريكس
2 - شيفرولية كروز
3 - نيسان صني
4 - لانسر بومة
5 - لانسر شارك
6 - إسبرانزا تيجو
7 - سكودا أوكتافيا
8 - هيونداي إلانترا
9 - كيا سيراتو
10 - بروتون جين 2
11 - بروتون برسونا

طبعاً إلي ما لا نهاية بس أنا ذكرت ليك أفضل الخيارات و علي فكرة أنا برشحلك المستعمل عن الزيرو لأن الزيرو عالي جداً بسبب الدولار و أس إستفسار أنا تحت أمرك و مبروك مقدماً SLAM

رد: محتاج رائيكم في لوجان اتوماتيك
 

أنا عندى لوجان أتوماتيك 2013 من ثلاثة أشهر ولا توجد شكوى حتى الآن والحمد لله.
أعتقد أنها متوفرة فى الاسكندرية خصوصا عند الموزعين المعتمدين مثل الطارق ويمكنك أن تستلمها فورا ولكن بسعر أعلى من الرسمى ولكن فى حدود المبلغ الذى معك.
الكماليات مثل المانيوال الفول أوبشن ولكن الكاسيت أفضل من موديل 2012 حيث يوجد به بلوتوث و كذلك يو اس بى

رد: محتاج رائيكم في لوجان اتوماتيك
 

لوجان أوتوماتيك أحلى منها ماتلاقيش:018A1D~146: