|
تحيه للشيخ طارق ابو اليزيد ادخلوا وانتم هترتاحوا
تحيه خاصه للشيخ طارق ابو اليزيد على احترامه وزوقه فى المعامله وعلى امانته فى شغله وحاجته لان اخير وبعد دوخه وبعد ما المكانيكيه زهقونى وخلونى كنت هبيع العربيه اتصلت بالشيخ طارق وقالى هاتلى العربيه ومتتعبش نفسك وانا اول ما اخلصها هتصل بيك وهذا حصل المكانيكيه هولولى المواضيه فمثلا واحد قالى جوان وش السلندر والوش وصباب والتانى قالى عمره كامله (هههههه) ولما اتصلت بالشيخ طارق ووديتلو العربيه واتعملت وانا قاعد فى البيت طلع الموضوع كله فى ان اخر مكانيكى اشتغلى فيها كان سايب وش السلند محلول تخيلوا يعنى بيطلع وينزل وهوه ده اللى كان بيخلى العربيه تخلف تقسيمه المهم الحمد لله العربيه بقت تمام وكل اللى كان فيها ان الوش حل فالجوان ضرب وغيرته ب35 جنيه غير المصنعيه والحمد لله الشيخ شكرلى فى الماتور والمكانيكى قالى ماشاء الله اول مره اشوف ماتور 132 ناعم كده الحمد لله وتانى اشكر الشيخ طارق وانصح اى حد واقفه قدامه حاجه يكلمه
|
رد: تحيه للشيخ طارق ابو اليزيد ادخلوا وانتم هترتاحوا
الشيخ طارق واحد من أعمدة المنتدى ، راجل محترم بالفعل وياما خدم ناس كتير فى المنتدى بخبرته ، ياريت لو نرجع نشوفه تانى فى المنتدى |
رد: تحيه للشيخ طارق ابو اليزيد ادخلوا وانتم هترتاحوا
جزاك الله خير يا شيخ طارق
و الف مبروك لصاحب الموضوع الاصلاح و ربنا يبارك لك فى العربية و يكفيك شرها |
رد: تحيه للشيخ طارق ابو اليزيد ادخلوا وانتم هترتاحوا
للأسف معظم الميكانيكية (الصح) بيبقوا مشغولين جداً و مواعيدهم (زبالة)
طبقاً الشيخ طارق فوق الوصف, خبرة و أمانة و .... بس فيه بعض الأعضاء إشتكوا من مواعيده قبل كده. ياريت بجد منتحرمش منه فى المنتدى, لأن غيابه عنا طال و إشتقنا له كثيراً. |
رد: تحيه للشيخ طارق ابو اليزيد ادخلوا وانتم هترتاحوا
ان شاء الله يرجع للمنتدى بالسلامة
ولو فية حد يقدر يتصل علية ويكلموا ان يدخل ويشارك زى الاول واحنا فى انتظار العودة |
| الساعة الآن 02:58 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017