|
العربية بترجرج مع دوسه البنزين
لو سمحتم انا عندي مشكله و خبرتي قليله في الحاجات ديه :
العربية اول ماجيب التاني او التالت و ابتدي احط رجلي علي البنزين بترجرج جامد كأن العربية عاوزه تجري و حد حيشها ... و الموضوع بيروح لو ضغط علي البنزين للاخر انا غيرت البوجيهات و اسلاك البوجيهات و فلتر الهواء و فلتر البنزين و نضفت بوابه الهواء الموضوع راح شويه و مفيش اسبوعين رجع تاني مع العلم اني لسه كنت مركب زجاج كهرباء و نور عالي و كتاوت نور ( يعني كان فيه لعب شويه في الكهرباء) و بعدين رحت غسلتها منهم لله بقي بوضوا الدنيا بخراطيم الميه و الكهربا لسه مش مزبوطه تنصحوني بايه اروح لميكانيكي الاول عشان الرجرجه ديه و لا ممكن تكون عيب كهربا فاروح لكهربائي يضبطها الاول ؟ و اسف علي الاطاله :):fun_36_1_7[1]: |
رد: العربية بترجرج مع دوسه البنزين
شوف ميكانيكى الاول لانة ممكن يكون فى حساس معلق ولو الموضوع محتاج كهربائى اكيد هو حيقولك وممكن تنزل الصبح تلاقى الموضوع انتهى بعد متنشف العربية من الغسيل .
وابقى طمنا عملت اية.:fun_36_3_16[1]: |
رد: العربية بترجرج مع دوسه البنزين
متشكر يا استاذ هاني بس الموضوع ده جه قبل كدا و راح لما غيرت البوشهات و دلوقتي رجع تاني ربنا يسهل و يروح و ان شاء الله اروح لميكانيكي الاول
|
رد: العربية بترجرج مع دوسه البنزين
من ضمن عيوب اللانوس حاجه اسمها الكويل الكويل ده بيشتغل بمزاجه مرة يدي 4 بوجيهات ومره يشتغل 3 المشكله لو جه عليه شوية مياه لما تغسل الكابود
العيب اللي عندك ده يا اما كويل واما بوجيه قاطع فاكشف على البوجيهات الاول وان شاء الله خير |
رد: العربية بترجرج مع دوسه البنزين
هات نوع البوجيهات المناسبة للعربية
|
| الساعة الآن 12:22 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017