'طلب مساعده ضرورى جدا بخصوص سياره شيرى لونج
 

معروض عليا عربيه شيرى لونج رشه بره كامله مانوال موديل 2005 او 2006 مش متاكد بالظبط من الموديل حاله الموتور كويسه
عاوز اعرف العربيه دى تمنها تقريبا كام ؟
و الاهم ايه ظروفها من قطع غيار و توافرها و صيانتها سهله ولا صعبه و بشكل عام تنصضحونى بيها ولا بلاش احسن؟؟
و اه العربيه فيها حاجه مش عارف ده ممكن يكون عيب ايه انها مش بتدور غير لما ازود بنزين و انا بدور و غير كده مش هتدور و لمبه الموتور منوره ده ممكن يكون عيب ايه ؟

رد: 'طلب مساعده ضرورى جدا بخصوص سياره شيرى لونج
 

رد: 'طلب مساعده ضرورى جدا بخصوص سياره شيرى لونج
 

كان لازم تقولنا العداد عامل كام كيلو بس انا هافترض انها اقل من 100000 كم
لو افترضنا انها موديل 2006 ودة الاقرب للصح
ولو افترضنا انها شركة جوة ورشة حزام من برة
سعرها العادل من 30 الى 32 الف

بالنسبة لحاجتها كلها موجودة جديد واستيراد
والتوكيل بتعها لسة بيصينها لغاية النهردة ومكانة اول طريق الاسماعيلية جنب السعودى جروب
عربية كويسة جدا وثبتة اوى لانها شسية التوليدو 97
معظم قطع غيارها بيمشى معاها الجولف
والعربية لازم تتحط على سكانر ونشوف اية اللى بايظ فيها ونصلحة واكيد هايطلع حساس مش شغال
الحسبة هنا ايى
ان بالـ 32 الف هاتركب اية ؟؟؟؟
يركبوك اكسل 1500 سي سي حالة فوق المتوسطة وليست جيدة
ولو قارنا بين اكسل وبنها
هى تكسب بمراحل
صالون اوسع كتير اوى بجد صالون واسع بغباء
ثباتها احسن
موتورها اقوى
الباور اللى فيها انعم
الفرامل احسن كتير من الاكسل
بس قطع يغراها اغلى من اكسل

بس يا رب مايكنش لونها اسود لان الاسود فيها تيت اوى بصراحة

رد: 'طلب مساعده ضرورى جدا بخصوص سياره شيرى لونج
 

العداد للاسف ماخدتش بالى كام كيلو
هى رشه بره كلها مش حزام بس بس دواخل سليمه
العربيه فيها الاكصدام اللى ورا مشروخ بس اظن ينفع يتلحم و الدينامو فيها صوته عالى لو احتاج اتغير هيركب عليها دينامو ايه و تمنه تقريبا كام؟
و طبعا زى مقلت قبل كده لمبه الموتور منوره
و فيها رخصه لحد شهر 5 فكنت عاوز اعرف السعر العادل ليها كام بالظبط عشان اعرف اتكلم مع الناس بليل؟
و الاهم لو ببدلها بفيرنا 2008 هاف اوبشن عداد 150 الف كيلو رشه بره بالكامل ماعدا السقف فيها شغل خفيف فى اليمين مسمع جوه خفيف اطلب فرق كام ؟

و اه لونها فضى مش اسود متقلقش

رد: 'طلب مساعده ضرورى جدا بخصوص سياره شيرى لونج
 

يعنى اية دواخل سليمة (راشة ولا لا)
انا بس عاوز اؤلك على حاجة
الشيرى فرق السعر فيها مش كبير
عارف
هتلاقى عربيات شركة برة وجوة وعداد معقول وتزيد الف او اتنين عن اللى معروضة عليك
وسعر العربيات دى ثابت لا بينزل ولا بيطلع
من 30 الى 34 الف
خدلك لفة على النت وشوف اسعارها والحالات المعروضة
عشان تقف على ارض صلبة وانت بتتفاوض مع البائع
وتقدر تقولة على حالات احسن من بتعتة وفى نفس رنج الفلوس
وبعدين انت عاوز تدخل لية
طب ما تبيع وتمسك فلوس وساعتها اختياراتك هاتكون اكبر ومفرقتش اسبوع ولا اتنين من غير عربية