بنزين مغشوش ؟؟؟
 

عربيتي شيري كيوكيو سعت خزان البنزين حسب الكتالوج 35 لتر رحت فولتها بنزين قبل ما يخلص من التانك فوجئت ان عداد البنزينه92 عامل 38 لتر يعني اكبر من سعة التانك
وشوية لما مشيت بالعربية لاحظت ان صوتها ارتفع وادائها ضعف وكمان بدا يبقي فيها دخنه بيضاء من الشكمان
يا تري دهمعناه ان البنزين مغشوش ومخلوط بيه شيء ؟ وايه العمل الان

رد: بنزين مغشوش ؟؟؟
 

نصيحة متستناش التنك يفضى عشان تمون
لو كان التنك فاضى فهى فعلا ممكن تاخد اكتر من 35 لتر لو ملاها لحد الزور
دخان ابيض !!!!!!!!!! .......... هل الكلام دا و الجو كان برد و العربية لسة ممشيت كتير ؟
اسم البنزينة ايه ؟ و فين بالظبط ؟

رد: بنزين مغشوش ؟؟؟
 

انا بصراحه مش عارف اسمها ممكن تكون توتال هي موجوده علي الدائري بعد موقف العاشر في اتجاه المعادي عند مدينة الهايكستب
الدخان الابيض كان فعلا وانا بسخنها لكن ده كان بالليل حوالي الساعة ١١
طيب ايه سبب علو صوت الماتور

رد: بنزين مغشوش ؟؟؟
 

الدخان الابيض اثناء الاجواء الباردة خصوصا و العربية باردة دا طبيعى
طالما الزيت تمام مش بينقص بشكل ملحوظ
لو البنزين مخلوط بميه العربية حتنتش و ممكن تقف
صوت الماتور تقصد على السالنسيه عالى ؟ و لا عامة ؟
هل فيه عداد rpm ؟ و لو فيه طيب قارى كام على السالنسيه ؟