مصر موتورز مجتمع السيارات - يا الشفاط مشدود يا إما تبطل.... ليه؟

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - يا الشفاط مشدود يا إما تبطل.... ليه؟ - كلاكيت 2 مرة (https://www.masrmotors.com/vb/showthread.php?t=107835)

يا الشفاط مشدود يا إما تبطل.... ليه؟ - كلاكيت 2 مرة

السلام عليكم
أولاً أنا آسف إنى أضطريت أكرر الموضوع
لأن محدش رد عليا خالص
و للأدارة كامل الحق فى حذفه (بس بعد الرد بالله عليكم :30p[1]::fun_36_1_4[1]::fun_36_1_4[1]::fun_36_1_4[1]:) http://www.masrmotors.com/vb/showthread.php?t=107760
عندى سؤال فنى أحب أتأكد من إجابته.
العربية عندى بأسخنها الصبح لمده كافيه (قد تتعدى العشر دقائق أو الربع ساعة)
بأسخب الشفاط و أضغط أمبلية عالدواسة عدة مرات و أسيبها تكمل مع الشفاط.
بس برضه أول ما أنزل الهاند و أبدأ أطلع ألاقيها بطلت, و طول ما أنا ماشى (لمدة حوالى ثلث ساعة كمان تقريباً) لازم أفضل شادد الشفاط يا إما تبطل.

إللى أعرفة إن الشفاط بيزود دخول البنزين و يقلل الهواء.
أنا لسة عامل صيانة للكربراتير, و مغير أبلاتين و كوندنسر و ضابط كهربا من فترة قريبة (رغم إنها عالية شويه لأن العربية بتترج رجه خفيفة بعد ما أبطل العربية من مشوار)
السلانسية عندى بيبقى فى الأول واطى, يعنى 400/500 لفة/د, بس بعد ما أمشى بيها ساعة مثلاً ( و طبعاً من غير الشفاط) بيبقى عالمضبوط بتاعه >> 800 لفة/د

المهم, إللى شاكك فيه >>> التاكيهات
الميكانيكى كان موسعها علشان الصيف, و طبعاً وسعت أكتر, و دلوقتى الجو بارد فتقريباً هو ده السبب فى إن العربية مبتسخنش بسهوله و كل شوية تشرق و تبطل.
ملحوظة كمان: لسه مغير طقم بوجيه و الأسلاك بتاعته من فترة قريبة.

لو هيا السبب: نصايحكم على اللى أركز عليه مع الميكانيكى
(أنا ناوى أقوله : تاكية العادم على 25 و الحرق على 20) - حافظ و مش فاهم.:CHUBBY~36:

رد: يا الشفاط مشدود يا إما تبطل.... ليه؟ - كلاكيت 2 مرة

ان شاء الله mr astra يجاوبك

رد: يا الشفاط مشدود يا إما تبطل.... ليه؟ - كلاكيت 2 مرة

اقتباس:

المشاركة الأصلية كتبت بواسطة zing0 (المشاركة 840902)

مشكلتك مشكله كربراتير مش اكتر روح لواحد بتاع كربراتيرات وقولو علي اللي بيحصل وهتلاقي الدنيا اتظبططت ان شاء الله
شبرا فيها بتاع كربرايترات مشهور اسمه ابراهيم وفي في امبابه واحد اسمه عمرو شارع الطيار فكري وفي في شارع ابو قتاده من اول فيصل واحد اسمه بهاء

رد: يا الشفاط مشدود يا إما تبطل.... ليه؟ - كلاكيت 2 مرة

10000000 شكر يا أستاذ أيمن
بس زى ما أنا موضح, الكربراتير لسه معمول له صيانة من أقل من شهرعند واحد ناس كتيييير شكرت فيه هنا فى المنتدى.
هل ممكن يكون محتاج صيانة تانى؟؟؟؟؟؟ لا حول و لا قوة إلا بالله

إللى خلانى أقول تاكيهات, الميكانيكى كان ضابطها الصيف إللى فات, و قاللى محتاجه ضبط على الشتاء (طبعاً بيعمل شغل عليا زى ما فهمت منكم), بس برضه إللى جه فى بالى إنها واسعة زياده علشان تفضل بارده فى الصيف. و دلوقتى شتاء.

رد: يا الشفاط مشدود يا إما تبطل.... ليه؟ - كلاكيت 2 مرة

والبوجيهات نوعها اه والسلك بتاعهم والإسبراتير غيرته ولا لأ؟