العربية مش بتدور !!
 

مساء الفل يا جماعة ....
أنا اشتريت عربية رينو 9 من حوالى شهرين و الحقيقة ما كنتش بتدور بسهولة.
غيرت البوجيهات و البوبينا و كشفت على البطارية و الدينامو و كانوا كويسين .

و فى الاخر الميكانيكى قاللى أن الموتور كبسه ضعيف و بداية وش سلندر ، مع العلم ان الموتور صوته كويس و الشكمان مش معرق زيت و البوجيهات برضه مش معرقة زيت. هل ممكن الموتور يكون خلصان خالص لدرجة ان العربية متدورش ؟؟؟؟

و أرجوكم لو حد يعرف أسعار المواتير ال 1400 الاستيراد ياريت يقوللى
أرجوكم سرعة الرد
و شكرا

رد: العربية مش بتدور !!
 

الموتور لو مكسر شنابر حدور :w6w200504112236376d
فكك من الميكانيكي دة وشوف غيرة
واية اخبار ضغط البنزين
وهل الموتور رشاشات ولاكربرتير

رد: العربية مش بتدور !!
 

أشكرك جداّ م / عمرو على اهتمامك و سرعة الاستجابة .

الموتور دة كربيراتير مش انجكشن لأن العربية موديل 85 .

بس تقصد ايه برشاشات ؟؟ و أعرف منين ضغط البنزين ؟؟ هل بنقيسه فى بنزينة ؟؟

هو الميكانيكى قاللى وش سلندر لأنه ورانى زى طحينة فى غطا تانك الزيت مع أن مقياس الزيت لسة أسود .

شكرا على المساعدة م / عمرو و فى انتظار ردك .

رد: العربية مش بتدور !!
 

السلام عليكم
الموضوع دة حصل معايا وكان الحل الاتى
تروح لبتاع صيانة كربراتيرات لأن عملية الدوارة بتطلب ضخ بنزين فى الكربراتير واكيد هتلاقى الرشاش مسدود برملاية او:pod_of_gold: اى حاجة (على شان البنزين نضيف)

رد: العربية مش بتدور !!
 

ممكن يكون الموتور محتاج طقم شنابر وطقم جوانات ويبقي زي الفل
روح لميكانيكي اخر وشوف وجة نظرة
متابع............