مصر موتورز مجتمع السيارات - الحوار مع الاخوان

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - الحوار مع الاخوان (https://www.masrmotors.com/vb/showthread.php?t=107745)

الحوار مع الاخوان

بما ان الحوار حديث الساعة ولان الحوار فى حد ذاتة واحد من اهم الميزات اللى خصنا بيها المولى سبحانة وتعالى عن سائر المخلوقات وبيه قدرنا نوصل لتكوين مجتمعات ومدن وحضارات فانا فكرت اعمل موضوع اعبر بيه عن رائى فى الحوار مع الاخوان عموماً سواء على المستوى الايدولوجى (الفكرى) او السياسى

كمان حبيت انقل ليكم خلاصة نقاشاتى وحواراتى مع اخوة واصدقاء ينتمون للاخوان سواء تنظيمياً او فكرياً يمكن تكون مفيدة لحد

انا هحاول مطولش فى المقدمة وابداء بالاسئله والردود بس فيه كلمتين كمان عايز اقولهم عن الحوار عموماً برضو

اغلب مشاكلنا الحالية تحل بالحوار
لكن المشكلة اننا مفتقدين روح ومقومات الحوار اصلاً
روح الحوار ببساطة هى اللى كانت بتخلينى انا شخصياً اتحاور مع اصدقائى المسيحيين فى الدراسة عن ادق مسائل العقيدة الاسلامية او المسيحية من غير ما حد فينا يجرح فى التانى او ييهينة او يسفه معتقدة
لاننا كنا اصحاب وبنحب بعض كأخوة وكل واحد فينا نفسه فعلاً صاحبه يكون على الطريق الصحيح فكنا بنقدر نتحاور ونفيد بعض وعمرنا ما شتمنا بعض او كرهنا بعض بالعكس مازلت احتفظ بنسخ من الكتاب المقدس والانجايل مهداة من اصدقائى المسيحيين

وصلكو معنى روح الحوار ؟

طيب مقومات الحوار باختصار برضو نقدر نقول انها ثقافة
للاسف مفتقدة بشكل كبير فى مجتمعنا دلوقتى
مفتقدة بداية من الاسرة وافرادها وفى المدارس وفى الجامعات وفى العمل كمان
زمان كانت المدارس فيها انشطة ثقافيه مناظرات وخطابة دلوقتى نظم التعليم وطبيعة العصر خلت الناس اغلبها معلوماتهم ع السريع ونقاشهم ع السريع وبالتالى بيقلبو على بعض ع السريع برضو
فى حين ان الحوار محتاج صبر واحاطة بموضوع الحوار ومداولات وتفكير وطرح او بالبلدى كل ده نختصرة باللى بنقول عليه (الكلام اخد وعطا)
يعنى تسمع اللى قدامك وتفهم عايز يوصلك ايه قبل ما تفكر تقول ايه وتسمعه ايه

لكن الحوار دلوقتى عمال زى (الردح البلدى ) ده يقولى ياللى وياللى والتانى يقولة انتو اللى ياللى وياللى وده يقولة انتو فيكو وفيكو والتانى يرد عليه فيكو وفيكو
اه والله حتى على اعلى المستويات للاسف

على سبيل المثال كنا نلاقى قيادى اخوانى كبير مثلاً حد يقولة انتو محاصرين المحكمة الدستورية يقوم التانى يقولة ما المعارضة محاصرة قصر الاتحادية يقولة انتو بتتعدو على الاعلام والقضاء التانى يقولة مانتو بتتعدو على المشايخ والعلماء وهكذا ده طبعاً مسموش حوار واذا اتسمى حوار فبيتقال عليه حوار الطرشان
لان الطرفين فى الحقيقة مش بيسمعو بعض ولا بيبنو كلامهم على افكار بعض واطروحاتهم لكن مجرد تراشق للكلمات والجمل وما تيسر من الغمز واللمز والاتهامات !!!

مش هطول فى المقدمة ديه اكتر من كدة وان كانت تستحق لكن حبيت احط اطار لمفهوم الحوار اللى حابب اتكلم عنه وادى امثلة ليه فى مشاركاتى الجاية

وطبعاً الدعوة مفتوحة للجميع باختلاف ارائهم للمشاركة (بالحوار) والرأى والعليق

رد: الحوار مع الاخوان

السؤال الاول

وهو سؤال شائع بيقولهولك كل اخوانى عايز يستعطفك ويحسسك انك معمولك غسيل مخ وان الاعلام والمفسدين فى الارض والشواذ والى واللى مبوظين دماغك بتشوية الاخوان وشيطنة ما يطلق عليه زوراً وبهتاناً بالتيار الاسلامى فى حين انهم اطهر ناس وانقى ناس وتاريخهم كله كفاح وتضحيات دفاعاً عن الاسلام وقضايا الامة الى اخرة

فيقولك مثلاً
تعرف ايه عن الاخوان ؟
مين قالك ان تريخهم دموى ؟
مين ضحك عليك وقالك انهم دعاة عنف ؟
وغيرة ما اختلاف الصياغة والمعنى واحد

وانا برد بالاجابة

بالرغم من لجوء الاخوان للعنف اصبح واقع نعيشة جميعاً الان
الا ان التاريخ يشهد على استخدامهم للعنف ضد من يختلف معهم سواء كان الاختلاف فكرى او سياسى بل ويعتبرو اول من استخدم العنف من الجماعات الاسلامية فى مصر عبر تاريخها كله

وعلى سبيل المثال
= فبراير 1945 أغتيال (( أحمد ماهر )) على يد العيسوى 1945

= 6 مايو 1946 (( نسف سينما ميامى بمناسبة عيد جلوس الملك فاروق على العرش ))
= 6 مايو 1947 ((نسف سينما مترو .. و سينما الكوزمو .. وسينما ميتربول ))
= 17 فبراير 1948 (( أغتيال الملك يحى .. ملك اليمن )) ؟؟؟؟؟
= 6 مارس 1948 (( أغتيال القاضى أحمد الخازندار ))(ملحوظة تبرأ من دمة البنا
والسندى قائد الجناح العسكرى فمن قتلة اذن)
= 4 أبريل 1948 (( جرائم الأوكار ... فى شبرا و روض الفرج و شارع السندوبى و وكر الجيزة ))
= 20 يونيو 1948 (( المرة الأولى لتدمير حارة اليهود ))
= ليلة 20 يوليو 1948 (( نسف شارع فؤاد ))
= 13 أغسطس 1948 (( نسف محلات عدس و بنزايون ))
= 23 سبتمبر 1948 (( المرة الثانيه لتدمير حارة اليهود ))
= الساعه 2 ظهر يوم 5 نوفمبر 1948 (( حادث السيارة الجيب بالقاهرة ))
= 12 نوفمبر 1948 (( نسف شركة الأعلانات الشرقيه ))
= 28 ديسمبر 1948 (( أغتيال محمود فهمى النقراشى رئيس وزراء مصر ))
= 5 مايو 1949 (( محاولة أغتيال أبراهيم عبد الهادى رئيس الحكومه و حامد جودة رئيس مجلس النواب ))
= يوليو 1954 (( محاولة أغتيال جمال عبد الناصر بميدان المنشية))
= إلقاء قنبلة علي النادي البريطاني في ليلة عيد الميلاد 1945 م
= نسف شركة الإعلانات الشرقية الخاصة باليهود آنذاك في 12 نوفمبر 1948 م
= تعطيل سفينة يهودية في ميناء بورسعيد
= نسف بعض المساكن في حارة اليهود بالقاهرة اودى بحياة 20 قتيلاً واصابة 61 وحادثة فندق الملك جورج
= وضع قنابل غير متفجرة في ستة من أقسام الشرطة بالقاهرة في 26 نوفمبر 1946 وديسمبر من العام 1946
= اغتيال سليم زكى حكمدار القاهرة

ديه عينة من جرائم الاخوان الدموية فى تاريخهم الاول قبل حل جماعة الاخوان الاول وقبل سقوط الملكية
ما الاخوان اتحلت جماعتهم فى الملكية وفى ايام عبد الناصر وهكذا
تقريباً نقدر نقول ان الاخوان كان ليهم نظام دورى

يعنى بدأو فى الاول ايام الملك فاروق يمجدو فيه واعتبروه خليفة المسلمين والموضوع ده كان عاجبة فعلاً وبعدين انقلبو عليه
وبعدين كانت علاقتهم متضامنه مع ثورة يوليو وعبد الناصر وبعدين قلبو عليه نفس الكلام مع السادات وهكذا

طبعاً بعض الجرائم ديه الاخوان بيتنصل منها لكن اغلبها لا نكره الاخوان زى اغتيال الخازندار والجرائم فى حق اليهود واللى كانو بيبرروها بحجج انها جهاد شرعى فى سبيل الله ضد اعداء الدين والوطن !!

وبالتالى اذا قارنا افعالهم دلوقتى مع تاريخهم السابق وحسبنا فى النص الجرائم الارهابية عموماً اللى ارتكبتها تنظيمات تانية لا تنتمى مباشرة للاخوان لكنهم تلاميذ ليهم فى نفس المدرسة الفكرية هنلاقى بدون شك ان الاجرام والارهاب واحد من اهم اساليبهم فى التعامل مع الخالفين ليهم سياسياً او فكرياً

وللحديث بقية .....

رد: الحوار مع الاخوان

الله ينور يا وائل بيه

وفعلا احنا نفتقد لاسلوب الحوار
فى المدرسه مفيش اى نوع من انواع الحوار
المدرس يدخل شرح و فهمت فهمت مفهمتش انشا الله عنك مفهمت

وعلشان كده كل الجيل الجديد 80 % منه مبيعرفش حاجه عن اسلوب الحوار
( نحن نستعمل نظام الغوغائية والهمجيه فى التعامل و اسلوب الحوار )
انا فى راى المدرسه ملهاش اى 30 لزمه
وعلشان كده احنا كطلاب مرحله ثانوى عام و كطلاب عموما من مختلف المراحل بنحاول نثقف نفسنا بنفسنا و تعلم كل ما هو مفيد خارج المدرسه
يعنى انا مثلا بروح مكتبو الاسكندريه و عندى كارنيه سنوى
بحضر مؤتمرات و ندوات كتير
( والحاجات دى بتعلم كيفية ادارة الحوار )
لان كل واحد بيقول رايه بكل احترام
(وطبعا فى المدرسه مفيش اى حاجه من انواع النشاطات دى )
وده ادى الى جهل النشء
وده ادى الى :
----
انا طول ما انا ماشى فى الشارع مفيش ثانيه بتعدى الا لما بسمع شتيمه و ياريتها اهانه دى صاحبها قابلها و عمالين بيهزروا بالشتيمه و كله بالحبظلم

* لما واحد يقول راى تلاقى التانى يمسك فيه و يشتموا بعض وتبقى ليله زرقا
************************* ***************

وفى الاطار اللى انا انتمى اليه حاليا و هو وزارة التربيه والتعليم

اناشدها انها تعمل نشاطات عن فن الحوار فى المدارس
ده طبعا غير الاصلاحات اللى المفروض تعملها فى المناه و الحاجات دى بس انا مش عاوز اخرج عن الموضوع

كلمة اخيره
--------------------------------

http://2.bp.blogspot.com/-s5RWBpAuRf..._5374870_n.jpg

http://www.dawshagya.org/vb/storeimg...424181_635.jpg

وتحياتى للجميع بالتوفيق

رد: الحوار مع الاخوان

هم بمتهي البساطه
حافظ مش فاهمnononono

رد: الحوار مع الاخوان

اقتباس:

المشاركة الأصلية كتبت بواسطة AbOnOrA (المشاركة 840397)

السؤال الاول
وعلى سبيل المثال
= فبراير 1945 أغتيال (( أحمد ماهر )) على يد العيسوى 1945[/SIZE]

= 6 مايو 1946 (( نسف سينما ميامى بمناسبة عيد جلوس الملك فاروق على العرش ))
= 6 مايو 1947 ((نسف سينما مترو .. و سينما الكوزمو .. وسينما ميتربول ))
= 17 فبراير 1948 (( أغتيال الملك يحى .. ملك اليمن )) ؟؟؟؟؟
= 6 مارس 1948 (( أغتيال القاضى أحمد الخازندار ))(ملحوظة تبرأ من دمة البنا
والسندى قائد الجناح العسكرى فمن قتلة اذن)
= 4 أبريل 1948 (( جرائم الأوكار ... فى شبرا و روض الفرج و شارع السندوبى و وكر الجيزة ))
= 20 يونيو 1948 (( المرة الأولى لتدمير حارة اليهود ))
= ليلة 20 يوليو 1948 (( نسف شارع فؤاد ))
= 13 أغسطس 1948 (( نسف محلات عدس و بنزايون ))
= 23 سبتمبر 1948 (( المرة الثانيه لتدمير حارة اليهود ))
= الساعه 2 ظهر يوم 5 نوفمبر 1948 (( حادث السيارة الجيب بالقاهرة ))
= 12 نوفمبر 1948 (( نسف شركة الأعلانات الشرقيه ))
= 28 ديسمبر 1948 (( أغتيال محمود فهمى النقراشى رئيس وزراء مصر ))
= 5 مايو 1949 (( محاولة أغتيال أبراهيم عبد الهادى رئيس الحكومه و حامد جودة رئيس مجلس النواب ))
= يوليو 1954 (( محاولة أغتيال جمال عبد الناصر بميدان المنشية))
= إلقاء قنبلة علي النادي البريطاني في ليلة عيد الميلاد 1945 م
= نسف شركة الإعلانات الشرقية الخاصة باليهود آنذاك في 12 نوفمبر 1948 م
= تعطيل سفينة يهودية في ميناء بورسعيد
= نسف بعض المساكن في حارة اليهود بالقاهرة اودى بحياة 20 قتيلاً واصابة 61 وحادثة فندق الملك جورج
= وضع قنابل غير متفجرة في ستة من أقسام الشرطة بالقاهرة في 26 نوفمبر 1946 وديسمبر من العام 1946
= اغتيال سليم زكى حكمدار القاهرة

لو افترضنا ان الاخوان فعلا عملوا الاحداث دي ( مع ان اغلبها في اوقات متوترة زي اليومين دول اللي محدش فاهم حاجة فيها و اي حد ممكن يلبس اي حد تاني مصيبة بدون اي دليل و افكرك بحمادة )
الاخوان اكتر من 100 الف قتيل في المعتقلات
اكتر من 500 الف مسجون
اكتر من 500 الف مهاجر
مليارات تمت مصادرتها لانهم اخوان

كل الاطراف خسرانة من الوضع الحاالي بدون حوار جاد بنية سليمة ... و لكن اطراف الحوار لازم يكونوا وطنيين و هدفهم مصلحة البلد
لو كده يبقى الحوار ليه قيمة و هنوصل لنتيجة