مصر موتورز مجتمع السيارات - متسوبيشي لانسر بومه 2013 (تقرير شراء )

السلام عليكم ورحمة الله وبركاته

أيها الأعضاء الأعزاء .. تحيه طيبه وبعد

اشتريت بفضل الله .. سياره لانسر 2013 وتم استلامها من اسبوعين ومواصفاتها كالآتي :

بومه 1600 CC - تكييف - باور - سنتر لوك - فتيس ستيبترونيك - جنوط سبور - فرامل ABS - توزيع فرامل EBD

الفئه دي تسمى في السوق ( هاف سبورت ) تفرق بس عن السبورت ان مافيهاش سبويلر خلفي ولا فتحة سقف

والحمد لله العربيه ماشيه معايا كويس جدا ويارب دايما ان شاء الله

ومن خلال استعمالي ليها إلى الآن لاحظت النقط التاليه :

- تم تغيير العدادات إلى الشكل الجديد ( شبيه لانسر الشارك ) اذا ماكانش هو هو أصلا ولكن في حاجه مضايقاني فيه شويه بصراحه وهي ان مافيش عداد حراره وتم استبداله بلمبتين واحده لما تكون العربيه بارده وواحده بتنور لما تكون درجة الحراره عاليه جدا ( ودي لاقدر الله ماينفعش الواحد يمشي وهي منوره )

- يوجد أيضا في الطابلوه لمبة أو ليد كده خاص بحزام الأمان وللأسف ده مش شغال ولما كلمتهم في التوكيل قالولي ان موديل 2012 و 2013 بتنزل مش شغاله ( أو ممكن تكون مفصوله بس لأن مكانها موجود بالفعل .

- السياره نازله كمان بدون شنطة عده , مجرد بس مفتاح العجل ورافعة الكوريك مش عارف بقى الموديلات اللي قبل كده بتنزل زي كده أو في شنطة عده كامله.

- لايوجد طفاية حريق ولا شنطة اسعافات أوليه , ولكن يوجد بها مثلث .

- الجزء اللي في السقف فوق المرايه الأماميه لايوجد به لمبة صالون أماميه أعتقد ان في موديلات قبل كده كانت بتنزل فيها , ولكن 2012 و 2013 بدون وتم الإكتفاء فقط بلمبة الصالون الوسط .

- الزجاج الكهربائي مزود بخاصيه الفتح بضغطة زر واحده ( باب السائق فقط ) , ودي برضه مش عارف كانت موجوده قبل كده ولا لأ , بس أنا باوصف وصف دقيق عشان اللي يحب يعرف .

- طبعا شكل الشبكه الأماميه للسياره هو الشكل الجديد اللي نزل في موديل 2012 وهو شكل جميل جدا طبعا .

- الكاسيت اللي نازل في السياره هو راديو سي دي ماركة KENWOOD ولكن ليس به فتحة USB وبدون ريموت كنترول .

انطباعي طبعا عن العربيه انها جميله جدا والحمد لله ولم تواجهني أي مشاكل إلى الآن , أو يمكن يكون ده رأيي لوحدي عشان بالنسبالي دي كانت نقله جزريه من شاهين إلى لانسر

أترككم الآن مع الصور التي التقطها للسياره بس قولوا ماشاء الله وادعولي ربنا يحفظها

http://img94.imageshack.us/img94/8572/934832014.jpg

http://img541.imageshack.us/img541/3076/871556945.jpg

http://img29.imageshack.us/img29/7585/762895051.jpg

http://img96.imageshack.us/img96/1469/664165451.jpg

http://img38.imageshack.us/img38/3991/627509599.jpg

http://img11.imageshack.us/img11/8149/548393668.jpg

http://img705.imageshack.us/img705/9550/482262159.jpg

http://img402.imageshack.us/img402/1892/394494297.jpg

http://img24.imageshack.us/img24/2237/315855231.jpg

http://img802.imageshack.us/img802/5783/216325942.jpg

ودىتجربتى مع جينز كار

تم بحمد الله تركيب فرش جلد تفصيل عند جينز كار وده مش موضوع إعلاني ولكن تم المشاركه لاستفادة الأعضاء

طبعا ياجماعه مش هأقولكم على مقابلة الحاج أحمد مشعل
بسم الله ماشاء الله ربنا يباركله .. راجل محترم جدا جدا جدا ومقابلته زي العسل غير طبعا شغلهم النضيف جدا زي ماهاتشوفوا ..
راجل قمه في الأخلاق العاليه والزوق ربنا يكرمه ويرزقه من وسع .

وطبعا أنا مش باقول الكلام ده ولا حاطط الصور هنا على انها دعايه للحاج احمد لا سمح الله لأن في الأول والآخر أنا مش مستفيد حاجه , ده غير إني متأكد مليون في الميه انه بسم الله ماشاء الله مش محتاج لكلامي ده ولا هاتفرق معاه اني اعمل دعايه له أو لأ لكن أنا يهمني المصلحه العامه ومصلحة الأعضاء انهم يعرفوا مكان كويس وبيعمل شغل نظيف .
الراجل ربنا يكرمه شغله بيتكلم عن نفسه ..
ونصيحه فعلا من أخ ليكم .. أي حد يحب يعمل فرش في عربيته يتفرج الأول على شغلهم وبعدين يقرر
أنا عارف ان الواحد ممكن يقول .. لأ دي الأسعار عندهم غاليه شويه
لكن أنا شايف العكس .. شغل زي اللي اتعمل ده والكفائه دي والخامات دي .. مش كتير عليه أبدا
وزي مابيقول المثل .. الغالي ثمنه فيه
ده غير ان الحاج الله يكرمه .. مايردكش أبدا لو حصل أي حاجه في الفرش في يوم من الأيام

معلش انا عارف اني طولت عليكم لكن بجد شايف اني لازم أوفي الراجل ده حقه ربنا يكرمه ويرزقه من وسع .. اللهم آمين

ودلوقتي أسيبكم مع صور الفرش .

الكرسي الأصلي قبل تركيب الفرش

http://img152.imageshack.us/img152/884/314130481.jpg
نفس الكرسي بعد التركيب

http://img502.imageshack.us/img502/1043/434015440.jpg

الكرسي نفسه قبل وبعد التركيب
http://img534.imageshack.us/img534/5470/683244896.jpg

http://img716.imageshack.us/img716/856/432582336.jpg

http://img824.imageshack.us/img824/1051/689885795.jpg
http://img17.imageshack.us/img17/5499/727781295.jpg

http://img17.imageshack.us/img17/5499/727781295.jpg

http://img832.imageshack.us/img832/9923/992149103.jpg

http://img217.imageshack.us/img217/9564/591490192.jpg

http://img822.imageshack.us/img822/3240/629059134.jpg

http://img716.imageshack.us/img716/7812/206087721.jpg

ده غير انه عملي فرش جلد لأرضية الشنطه مجانا .. وفي الآخر قبل ماامشي كنت عايز اشتري من عنده جراب للطاره .. الراجل حلف مايدفعني ثمنه .. بجد قمه في الأخلاق والكرم .. ربنا يرزقه ويحفظه .

منقوووووووووووووووووووول