|
سؤال عن الزيوت و الإضافات و المنظفات للسيارة.
مجرد سؤال عن إضافات العناية بالسيارة (بس محدش يضحك لو سمحتم)
العربية لادا, مش بس كده ,لأ و موديل 82 كمان, يعنى عتيقة أخر حاجه, و الحمد لله غيرنا مش لاقى. بس سمعت إن فى إضافات بيحطوها أصحاب العربيات الحديثة عاوز أعرف عنها. يعنى فى إضافات لزيت الموتور (زى زيت إبرو بتاع الحفاظ على الشنابر و الكبس و التزيت و اللزوجه و .....), فى حاجه تانى لأنى قريت عن ناس بتحط إضافات بأسعار ممكن تعدى الـ 100 جنية + ثمن جركن الزيت !!! عاوز أفهم ليييه؟ برضه فى ناس بتحط منظف كربراتير مع البنزين (فى التانك) علشان ينظف الدورة من أولها. ده إسمة أيه و بكام و كويس و لا إفتكاسة؟ (عن تجارب) فى ناس برضة بتحط منظف ريداتير على المياة الخضرا (برضة معرفش عنه حاجه)؟ إية الحاجات دى؟ |
رد: سؤال عن الزيوت و الإضافات و المنظفات للسيارة.
متابع معاك باهتمام جدا جدا جدا
|
رد: سؤال عن الزيوت و الإضافات و المنظفات للسيارة.
و طلع كمان فى حاجه إسمها فلاش أو فلش بيتحط مع زيت الموتور علشان ينضف الموتور من الداخل !!!!!
إيه كل ده؟ حد يرد علينا |
رد: سؤال عن الزيوت و الإضافات و المنظفات للسيارة.
ياريت يباشا لو الأمور ماشية معاك زى الفل بلاش من الحاجات دى خالص نصيحة :CONGRA~238:
|
رد: سؤال عن الزيوت و الإضافات و المنظفات للسيارة.
اقتباس:
ودي صورته http://www.masr1.com/di-9UGO.jpg هو ب 15 جنيه من أي بنزينة وصناعة امريكية بس الصراحة محستش بفرق كبير قوي هو مكتوب علي العلبة انه بينضف الكاربيراتير بس انا كنت باستخدمه لما كانت البوجيهات بتهبب بسرعة كان بينضفها فعلا اما الكاربيراتير مجربتوش المفروض انه يتحط علي تفويلة كاملة لانه بيعالج 75 لتر بنزين |
| الساعة الآن 02:03 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017