مصر موتورز مجتمع السيارات - مروحة التبريد لاتعمل

مصر موتورز مجتمع السيارات (https://www.masrmotors.com/vb/index.php)

- رينو ميجان Mégane (https://www.masrmotors.com/vb/forumdisplay.php?f=159)

- - مروحة التبريد لاتعمل (https://www.masrmotors.com/vb/showthread.php?t=107427)

مروحة التبريد لاتعمل

اعضاء مصر موتورز الكرام
اسلام عليكم ورحمة الله وبركاتة
امس ليلاً كنت عائد من مشوار حوالي 7 ك فوجئت بدخان خارج من السيارة وعند فتح الكابوت وجدت بخار كثيف يخرج من تحت الموتور ومروحة التبريد لا تعمل
والموتور ساخن جداً
ارجوا الافادة من ذوي الخبرة عن كيفية اصلاح تلك المروحة وسبب عطلها
مع العلم اني سوف اسافر بها الليلة من شرم الشيخ الى القاهرة ولا ادري ان كان يوجد هنا في شرم ميكانيكي يستطيع اصلاحها او لا
السيارة ميجان 2005
وكل الشكر مقدماً لكل اعضاء المنتدى الكرام

رد: مروحة التبريد لاتعمل

حاول تشوف كهربائى يا مستر أشرف يعملها وصلة خارجية على ماحضرتك تيجى بالسلامة أصلحهالك بإذن الله
وطبعا الأول راجع على ميه القربة لأن نقصها ممكن يسبب ان المروحة ماتشتغلش بسبب الترموستات

سبحان الله والله كنت ناوى أكلمك النهردة أطمن عليك

رد: مروحة التبريد لاتعمل

اقتباس:

المشاركة الأصلية كتبت بواسطة Hisham.Elgazzar (المشاركة 838249)

شكراً لسرعة ردك عزيزي مستر هشام
وحشتني جداً

رد: مروحة التبريد لاتعمل

جرب تعملها وصله خارجيه وشوفها هتشتغل ولا لا
ولو ماشتغلتش هات واحده جديده
بالنسبه للسفر فالمروحه مالهاش لازمه فى السفر خالص
اما احذر انك تمشى بالعربيه على سرعات خفيفه او داخل المدينه والمروحه بايظه
وياريت يا جماعه نتابع مؤشر الحراره علشان السخونه ده غلط واول حاجه هتتظبط فى العربيه وش السيلندر
ربنا يسترها معانا
لان ممكن تحصل مشكله فى الريداتير او المروحه زى ما حصل ما حضرتك ومانخدش بالنا من مؤشر الحراره وندخل فى حوارات كبيره
تحياتى

رد: مروحة التبريد لاتعمل

اقتباس:

المشاركة الأصلية كتبت بواسطة amir elgamal (المشاركة 838281)

اولاً انا مش عارف يعني اية اعملها وصلها
ثانياً ان جيت ادورها علشان ازودها مية مش راضية تدور وبيظهرلي الرسالة دي
Computer Fault

ومؤشرات التابلوه كلها منوره وكذلك لمبة الاستوب مش عارف لية