عفشة الجيتا الخليجى الواطية للارض... برجاء الافادة
 

السلام عليكم ورحمة الله

برجاء الافادة انا ناوى ان شاء الله اجيب جيتا خليجى و هى طبعا جنط 17 و بتبقى 225/45/17
وطبعا الخليجى معروف انها اوطىمن المصرى.. انا عاوز اتخلص من مشكلة انها واطية من غير ما اغير مساعدين بالمصرى عشان تعلى فانا شايف ان ليها 2 حل.. اولا اركب صدادة بس ديه بتنشف العربية وهتخليها تخبط اكتر فى اى حفرة او فاصل كبرى عشان المساعد هيبقى كده ملغى مش بياخد مشواره فى الصدمان او انى اغير الكاوتش لمقاس 225/50/17 بدلا من 45 و ده هيعلى العربية اكثر و مش عاوز يبقى على 235 عشان العربية هيقل السحب و هى تقيلة اصلا و خايف 225/50 تخلى العربية تعوم ... برجاء الافادة و لكم جزيل الشكر

رد: عفشة الجيتا الخليجى الواطية للارض... برجاء الافادة
 

بص كل مللى هتزوده فى الارتفاع هيقلل الثبات وطبعاً منصحش خااااااااالص تركب صدادة
بصراحة الجيتا والبى ام الاتنين لازم علشان تركبهم تضحى بموضوع الارتفاع ده وتتاقلم عليه فى مشاويرك وسواقتك ولو مش هتقدر سيبك من الاتنين وخليك فى السكودا

رد: عفشة الجيتا الخليجى الواطية للارض... برجاء الافادة
 

كلام الزعيم ابو نورا 100% صحيح
بلدنا بلد العجايب انسب شىء لطرقها دبابة من دبابات الجيش التى سبق سرقتها من مختل وتكون معروضة للبيع
ايه ياترى

رد: عفشة الجيتا الخليجى الواطية للارض... برجاء الافادة
 

السلام عليكم

شكرا يا جماعة على الردود بس مفيش اى حد عنده معلومات اضافية ؟؟

برجاء الافادة :)