مصر موتورز مجتمع السيارات - دليلك السريع لإستخدام البلوتوث فى new sunny2013

مصر موتورز مجتمع السيارات (https://www.masrmotors.com/vb/index.php)

- صنى SUNNY (https://www.masrmotors.com/vb/forumdisplay.php?f=205)

- - دليلك السريع لإستخدام البلوتوث فى new sunny2013 (https://www.masrmotors.com/vb/showthread.php?t=107215)

دليلك السريع لإستخدام البلوتوث فى new sunny2013

السلام عليكم ورحمه الله

دى حاجه كده ع السريع لتفعيل تشغيل الهاتف المحمول على السياره NISSAN SUNNY 2013
قراءه كتيب التشغيل + التجربه العمليه

*توضيح فى البدايه: الاوبشن ده جميل جداً وبيخليك مركز وانت سايق ومفيش حاجه تشغلك عن الطريق بس حاولت أخليه يشغل ملفات MP3 ببلوتوث الموبايل عن طريق برنامج اندرويد ماعرفتش عشان البرنامج كان ع طول بيهنج

...بلوتوث العربيه بيقدر يخزن حتى خمسه 5 مستخدمين يعنى انت واللى معاك كل واحد يقدر يستخدمه ولكل مستخدم سعه تخزين حتى أربعين إسم

نبدأ بسم الله

http://upload.v22v.net/uploads/2013-...85_177_972.PNG

1- لا بد يكون موبايلك فيه بلوتوث متوافق مع بلوتوث العربيه
للعلم انه أى بلوتوث بيبقى ليه رقم اصدار بس محدش يقلق اغلب البلوتوث الموجود فى التليفونات متوافق (فى حاله ال I-PHONE
لاأعرف اذا كان متوافق ام لا)

2-لا بد من ان تكون العربيه متوقفه تماماً فى بدايه تعريف الموبايل بالعربيه

3- افتح البلوتوث من موبايلك أولاً واجعله قابل للإكتشاف Discoverable

4- اضغط على علامه السماعه المرفوعه http://im35.gulfup.com/5gjY1.jpg(جهه الشمال) ليتم تشغيل البلوتوث الخاص بالعربيه
ملحوظه اللغه العربيه فى السياره هى الاساس ولكن للتغيير من لغه الى أخرى فقط اضغط علامه السماعه الشمال مع زرار Folder
الموجود أقصى شمال الكاسيت

5-تبدأ الأوامر الصوتيه بالبحث عن هاتف واجعل موبايلك يبحث عن جهاز جديد وهتلاقى اسمه My Car ثم اعمل Pair device أى اعمل اقتران بالجهاز هيطلب منك password أدخل 1234

6-بعدما يتم الأقتران بالعربيه يطلب منك اسم المستخدم أو اسم الهاتف ولازم ما يكونش اسم قصير مثلاً(على) خليه اسم طويل نسبياً وليكن (على موبايل , موبايلى ,..) بعد كده هتلاقى العربيه(الأمر الصوتى بيعيده عليك ودائماً للتأكيد بتضغط http://im35.gulfup.com/5gjY1.jpg

7-[وعن طريق التنقل بين الأوامر الصوتيه هتلاقى مثلاً: كتاب الهاتف Phone book ,اضف هاتف Add mobile number…..وهكذا

8- مثلاً نختار كتاب الهاتف ثم >اضف رقم هاتف >هيطلب منك ادخال الرقم وهنا ما عليك إلا أن تدخل رقم الموبايل المطوب عن طريق ارساله بالبلوتوث من قايمه الموبايل سواء send or share via الى السياره

9- هتلاقى علامه نجاح ارسال الملف الى السياره تظهر على شاشه الموبايل

10-يقوم هاتف السياره بإسماعك للرقم الذى أدخلته مثلاً0122 صفر واحد اتنين اتنين......وهكذا

11-يطلب هاتف السياره منك إدخال اسم لرقم الموبايل فتقول مثلاً (عبدالحليم) هيردد تليفون السياره الاسم مره ثانيه ثم للتأكيد اضغط العلامه http://im35.gulfup.com/5gjY1.jpg

....يفضل ان تكون فى وسط هادئ من غير ضجيج لتخزين الأسماء

12-إستمر بإدخال الأرقام تباعاً بنفس الطريقه

13-من القائمه الرئيسيه كما سبق شرحها ممكن تختار الغاء رقم هاتف هتلاقيه يعرض عليك الاسماء اللى دخلتها ثم تختار الاسم المراد إلغاؤه وتضغط على http://im35.gulfup.com/5gjY1.jpg

14- لإضافه هاتف أو تليفون آخر ابدأ من الخطوه رقم(5) وبنفس الطريقه فى ادخال الأسماء

15--تقدر تتنقل بين التليفونات المستخدمه من القايمه الرئيسيه (إختر هاتف)

16-لتشغيل الSpeaker أو السماعه الخارجيه اضغط على العلامه http://im35.gulfup.com/5gjY1.jpg مرتين هيسألك إذا كنت ترغب فى استخدام نظام عدم استخدام اليدين للموافقه اضغط مره اخرى على نفس الزرار

وكان هذا بفضل الله وتوفيقه من الذاكره لأنى حالياً فى موقع العمل بالصحراء الغربيه
أتمنى إن الموضوع يكون سهل وبسيط وينال إعجاب من يقرؤه, وتم تعمد التنوع بين اللغه العاميه والفصحى لسهوله وصول المحتوى الى القارئ
والسلام عليكم ورحمه الله وبركاته,,,

منقوول من الزميل العزيز
limo81

رد: دليلك السريع لإستخدام البلوتوث فى new sunny2013

:GROWIN~12::GROWIN~12::GR OWIN~12::GROWIN~12:

رد: دليلك السريع لإستخدام البلوتوث فى new sunny2013

اقتباس:

المشاركة الأصلية كتبت بواسطة yahiaashraf (المشاركة 836370)

السلام عليكم ورحمه الله

....يفضل ان تكون فى وسط هادئ من غير ضجيج لتخزين الأسماء

الف شكر
نفسي اعمل مواضيع مميزة زيك كده
بسم الله ما شاء الله عليك

رد: دليلك السريع لإستخدام البلوتوث فى new sunny2013

طيب فيه بلوتوث فى ex saloon واللا هو فى السوبر صالون بس؟؟