صوت دردرة وتذ ميمة ( الاحساس بصوت الماكينة فى الكابينة )
 

اخوانى اعضاء المنتدى الكرام
السلام عليكم ورحمة اللة وبركاتة
اعرض اليوم عليكم تجربتى مع مشكلة حدثت فى سيارتى النوبيرا وهى اننى حينما اقوم بلف الدركسيون يمينا او شمالا اسمع صوت غريب ورهيب عبارة عن دربكة ودردرة وخشونة اسمعها داخل كابينة القيادة فتوجهت الى الميكانيكى الخاص بى وشرحت لة ماحدث فقام بفحص السيارة واعادة تربيط الموتور ثم طلب منى قاعدة فتيس
بالحهة الشمال وقاعدة موتور بالجهة اليمين (125 ج + 80 ج )وقام بتركيبهم وبالتجربة خف الصوت قليلا ولم يختفى ولم ارضى عن النتيجة قتوجهت الى ميكانيكى عفشة محترف وشرحت لة المشكلة وقام بفحص السيارة من كل شى وافاد ان العفشة سليمة وسير الباور سليم والمشكلة فى بلية شد السير وارسلنى الى ميكابيكى اخر وطلبت منة تغيير بلية شد السير وفعلا تاكد للميكانيكى ان تلك البلية هى السبب فى المشكلة وذهبت اشتريت البلية المطلوبة بمبلغ 130 ج وبتركيبها والتجربة اختفى الصوت تماما واصبحت السيارة ناعمة جدا وصوت الماكينة اصبح هادى جدا جدا واحسست اننى اركب سيارة اخرى ومختلفة تماما ..

لذا احببت ان اعرض تجربتى على اخوانى اعضاء المنتدى لكى تعم الفائدة ودائما يتم الكشف على مجموعة البلى
مثل بلية شداد الكاتينة وبلية شداد سير الدينامو وقواعد الماتور حتى تكون السيارة فى احسن حال
واخيرا سلامى وتحياتى للجميع
:286::286::286:

رد: صوت دردرة وتذ ميمة ( الاحساس بصوت الماكينة فى الكابينة )
 

تسلم على مشاركتك الموضوع وفعلا اي صوت خشانة في العربية لا تخرج عن الأسباب اللي ذكرتها

رد: صوت دردرة وتذ ميمة ( الاحساس بصوت الماكينة فى الكابينة )
 

شكرا علي المشاركة .. انا فعلا عتدي نفس المشكله لما بلف الدركسيون كله و كنت ناوي اوديها التوكيل

رد: صوت دردرة وتذ ميمة ( الاحساس بصوت الماكينة فى الكابينة )
 

مشكور على المعلومة
SLAM

رد: صوت دردرة وتذ ميمة ( الاحساس بصوت الماكينة فى الكابينة )
 

يا صديقي لو الدركسيون تقيل في اللف و صوت المكنة بيعلي مع اللف يبقي طرمبة الباور عاوزة تغيير او تغير الزيت بتاع الباور او بلية طرمبة الباور فيها مشكلة
لكن لو انت بتجيب الدركسيون علي اخرة فتسمع صوت دة طبيعي و نصيحة متعملش كدة كتير هات الدركسيون قبل الآخر بملي
ولو راكب بي ام و جبت الدركسيون على الأخر برضة هتسمع صوت
فمفيش داعي للمصاريف الكتير في التوكيل