|
بخصوص جوان التاكيهات .. ضرورى من فضلكم و بسرعة؟؟!!
السلام عليكم .. الموضوع بخصوص عربيتى السايبا 2009 اخر مرة كنت فى التوكيل الراجل قاللى جوان التاكيهات عندك شكله بيسرب و قاللى هربطهولك جامد ولو سرب تانى يبقى لازم الصيانة الجاية تيجى نعمله المهم انا بقالى كده 5000 كيلو و الصيانة الجاية لسة فاضل عليها 5000 كيلو كمان .. و انا بصراحة شايف ان الوضع بقى اسوأ و الزيت مرشح من كل حتة حولين الجوان و بقى مبوظ الحوض كله مش المكنة بس هل ينفع استنى كمان 3 شهور لما اروح الصيانة الجايه ولا اروحلهم دلوقتى و لا اعمله عند اى ميكانيكى و خلاص لو الموضوع سهل و مافيهوش فنيات؟؟ سؤال كمان بعد اذنكوا ... ازاى اغسل الحوض كله غسلة كويسة من غير ما أثر على السينسورز؟؟ اسف للاطالة |
رد: بخصوص جوان التاكيهات .. ضرورى من فضلكم و بسرعة؟؟!!
لا ماتستناش معاد الصيانة وممكن تعملة عند ميكنيكى برة التوكيل لان ما فيش فنيات
وممكن تغسل الموتور بفرشة وبنزين وبعدها فوطة بصابون سايل |
رد: بخصوص جوان التاكيهات .. ضرورى من فضلكم و بسرعة؟؟!!
:THUMBS~220:
الكلام ده تمام و بلاش تستنى لميعاد الصيانة اللى جاى بس يكون ميكانيكى كويس و شاطر لأنى مجرب موضوع الجوان ده 3 مرات |
رد: بخصوص جوان التاكيهات .. ضرورى من فضلكم و بسرعة؟؟!!
متشكر جدا للرد .. بس هو الجوان بتاع السايبا هو بتاع البرايد العادية؟؟
و يا ريت الاستاذ ابو نورا يشاركنا لانى بأثق فى معلوماته عن البرايد جداً وهل فى ميكانيكى مجرب بالقرب من المقطم او مدينة نصر ؟؟ |
رد: بخصوص جوان التاكيهات .. ضرورى من فضلكم و بسرعة؟؟!!
انا رحت التوكيل افضل بدل ما حد يعكلى فى العربية
الحمد لله قالولى الجوان سليك بس كان محتاج يتقرط عليه سنة المشكلة دلوقتى ان فى بقع زيت خفيفة فى حتت مزنوقة مش عارف اوصلها بايدى و عايز اغسل الحوض .. قالولى لازم ميه بجاز لان الفوم مش بيشيل الزيت وانا خايف على السينسورز من الميه .. ممكن اغسلها بايه يشيل البقع دى؟؟؟ |
| الساعة الآن 04:22 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017