هل انا محتاج محامي فى مخالفة السير عكس الاتجاه
 

السلام عليكم ورحمة الله وبركاته
اليوم ارتكبت اول مخالفة في حياتي وهي السير عكس الاتجاه فى شارع اول 20 متر منه المفروض انه اتجاه واحد وبعد كدة العربيات بتمشى فى الاتجاهين عادي - لكن كتير من الناس مش بتلتزم بموضوع اول عشرين متر دول لدرجة اني افتكرت ان دا اصبح قانونى وان الشارع كله بقى اتجاهين.
طلبت من الظابط ادفع غرامة فوريه قالى مش هينفع وسحب الرخصتين ورفض يديني ايصال وطلب مني التوجه تاني يوم لقسم الشرطة. وعرفت بعد كدا ان الموضوع بيكون غرامة غالبا 1050 جنيه او الحبس
بالنسبة للغرامة مفيش مشكلة فى دفعها لاني اخطأت - لكن الخوف من موضوع الحبس
فهل المفروض اخد محامي ولا الموضوع مش مستاهل
وهل المفروض اروح المركز والفلوس فى جيبي ولا الدفع بيكون عند التجديد

رد: هل انا محتاج محامي فى مخالفة السير عكس الاتجاه
 

بص هو انا معرفش موضوع الحبس ده انا اللى اعرفه انها غرامه 1000 جنيه لانى لسه واخد واحده من شهرين و اتسحبت الرخصه و مرضيش انى ادفعها فورى و اخدت وصل السحب فمش عاوز ازاى اخد منك الرخص من غير ميديك وصل
المهم انى ساعتها عملت معارضه و كنت خايف زيك من موضوع الحبس و خدت معايا محامى انما لما رحت ملقتش اى حبس ولا حاجه و حتى المحامى معملش اى حاجه غير انو فادنى بمعارفه انى دخلت اول واحد و كده بس على ما اظن الموضوع غرامه بس من غير حبس

رد: هل انا محتاج محامي فى مخالفة السير عكس الاتجاه
 

شكرا جزيلا على اهتمامك وان شاء الله الموضوع يكون غرامة فقط بدون بهدلة