11 ألف كيلو , 3 غيارات زيت وصوت العربية لسه عالي
 

صوت العربية عالي بشكل مستفز من برة أو من جوا... وفيها خشانة كدا , في الصيانات قالوا لي طبيعي وبيقل بالتدريج و الموتور هينعم , وبرضه مفيش... الموتور صوته خشن وبحس بزنة في الدواسات... ايه الحل؟

رد: 11 ألف كيلو , 3 غيارات زيت وصوت العربية لسه عالي
 

شيك ع البوجيهات وشوف وزن فى الدواسات دى ممكن تكون بسبب حاجة مش متقفلة كويس فى الفبر

رد: 11 ألف كيلو , 3 غيارات زيت وصوت العربية لسه عالي
 

هو بالنسبة للبوجيهات انا غيرتها , بالنسبة للفيبر وكدا ده شغل مين يبص عليه؟؟

رد: 11 ألف كيلو , 3 غيارات زيت وصوت العربية لسه عالي
 

حضرتك ممكن تعملة بنفسك تمسك جزء جزء وتخبط علية وتحاول تشوف الصوت طالع منين بالضبط

وهو كلة راكب كليبسات اساسا هتفكة وتعالج المشكلة وتركبة تانى

انا كان عندى نفس مشكلة الزن دى وعملتها بنفسى

بس لو حضرتك ملكش فى الفك والتركيب وطولة البال يعنى او معملتش دة قبل كدة

يبقى روح لسمكر او كهربائى تبعك يشيكلك عليهم لانهم الاتنين الى ليهم فى فك وتركيب الكلام دة

وان شاء الله مشكلتك تتحل

طيب هو بالنسبة للعربية هو دة الطبيعى بتاعها .. يعنى من يوم ما جت وهى كدة ؟؟

وهل ركبت عربية تانية شبها وفيها نفس الموضوع ولا لاء ؟؟

لان وارد يكون العربية بطبيعتها صوتها كدة والله اعلم

رد: 11 ألف كيلو , 3 غيارات زيت وصوت العربية لسه عالي
 

لأ من غير حضرتك والكلام ده احنا اخوات :)
الزنة الي في الدواسات بحسها برجلي مش بسمعها , زي هزاز الموبايل كدا مثلا , ممكن متاخدش بالك منها بس في المسافات الطويلة بتضايق..
بالنسبة للصوت العالي في ناس كتير اللي جايبين فيرنا موديلات جديدة ملاحظينه , لكن الفيرنا القديمة كلها مفيهاش كدا... يمكن ليها علاقة بموضوع تغيير الشكمان القديم اللي كان بيتخبط في المطبات ده؟ جايز..
متشكر على اهتمامك يا هندسة