|
عداد RPM مبينزلش للصفر
السلام عليكم ياشباب انا عايز اعرف بس ايه فايده عداد ال RPM اصلى لسه مستجدجايب عربيه لانوس 2013 والعداد مبينزلش لصفر واقف على 1 على طول وانا مش دايس بنزين وكمان حاسس انها بتسحب بنزين جامد يمكن 12 او 13 ليتر جوه البلد وعالسريع 9 او 10 كمان صوت الماتور تحسو عالى شويه يعنى هو فى الزحمه مبيتسمعش انما الواحد بيحس بيه اوى الصبح والدنيا هدوء او فى مكان مغلق كراكه يامعلم انا قولت يمكن كهربتها عاليا ولا حاجه رجاء الافاده افادكم الله لحسن موضوع البنزين دا خراب بيوت دا الواحد يغورها بدل كده او يقلبها غاز لو هتقرفنا مش ناقصين اعباء
|
رد: عداد RPM مبينزلش للصفر
اى عربية لازم يكون ال rPM الطبيعى على 1 او 1 الا شرطة......الصوت العالى ده ممكن يكون الشكمان مخروم او كهربة العربية عالية.....و استهلاك البنزين طبيعى مش عالى.....
|
رد: عداد RPM مبينزلش للصفر
العداد عندي في لانوس2013 عالصفر وهي واقفه ولما أدورها بيقفز لأعلي ويستقر علي 1 طالما هي واقفه وبعد كده بيتحرك علي باقي الأرقام حسب ضغطتي علي البنزين وأعتقد أن هذا هو الطبيعي والله أعلم وبالنسبه للبنزين هي بتستهلك من 7إلي 10 لتر كل 100ك وإنت عايز تقيسها بتستهلك كام معاك صفر العداد الصغير وإنت واقف فالبنزينه وإمشي مسافه مثلاً 50ك وبعد كده خش مون تاني وشوفها هتاخد كام لتر معاك وتابع التوكيل في صيانتها كما أفعل أنا للتأكد من سلامتها تقبلوا تحياتي
|
رد: عداد RPM مبينزلش للصفر
السلام عليكم في اللانوس الrbm بيكون تحت الواحد بشرطه ومعني rbm هو عدد لفات المحرك في الدقيه الواحده ومفروض يكون بين 800 الى 750 لفه في الدقيقه في السلانسيه واللانوس لها صوت زنه مميز يصدر من المحرك مش صوت عالى ولتقليل استهلاك البنزين غير فلتر الهواء والبوجيهات واحسب الأستهلاك على الطوالى على سرعة 90 الى 100 كيلو متر في الساعه والله المستعان |
رد: عداد RPM مبينزلش للصفر
اقتباس:
|
| الساعة الآن 06:13 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017