الفيليشا بتعوم جامد
 

نا معايا سكودا فليشيا العربيه بتعوم اوى و كانت هتموتنى امبارح اتزحلقت العربيه خالص و مكنتش حتى معدى ال 100.
المهم انا كشفت على عفشه العربيه و لقي ان الحاجات دى عايزه تتغير
1-علبه دركسيون
2-زوج مقصات
3-زوج مساعدين + بطاحات
4-اولسيه كوبلن داخلى
5-زوج مساعدين خلفى
6-قطمه دركسيون
و لقيت ان العجلتين اللى قدام مرحلين من الشمعدان.
المهم انا خايف اغير العفشه و اصرف كل الفلوس دى و العربيه ثباتها ميكونش حلو لان العفشه هتكلفنى حوالى 3 الاف كده
انا مش عارف ابيع العربيه و اكمل شويه على ال3 دول و اجيب حاجه تانيه ولا اصرف عليها و امرى لله
لو اى حد يقدر يفيدنى ايه سبب التعويمه دى؟ او اغير ايه بس عشان مشكله الثبات دى تتحل؟ عشان انا حاسس ان العفشجى بيستسهل و عايز يغير كل حاجه مره واحده مع العلم ان بتاع ضبط الزوايا قال ان الى عايز يتغير عندى علبه الدركسيون فقط .
و بالنسبه لترحيله العجل دى ايه الحل بتاعها انا عملت زراجين 3 مرات و رجعت تانى

رد: الفيليشا بتعوم جامد
 

لو المقصات والمساعدين بايظين كفيلين جدا انها تعوملك العربيه
انا مقص واحد كان بايظ عندي بس كان مخلي العربيه بتروح لمين وشمال لوحدها وانا اعدلها بالدركسيون

رد: الفيليشا بتعوم جامد
 

المشكله مش فى انى اعدلها بالدركسيون لو على كده سهله انا المشكله انى بحس ان العجل بيتحرك لوحده و عومان غرييب

رد: الفيليشا بتعوم جامد
 

بص حضرتك لو غيرت الحاجات دى كلها بامر الله هاتطلع كويسة انما مشكلتنا دلوقتى هى التكلفة وانك مش عاوز تغير حاجة هى بالفعل سليمة
يبقى زى ما قال بتاع الزوايا بناء علية تشتغل فى العفشة
ولو مش مقتنع اوى بكلام بتاع الزوايا جرب واحد تانى وانصحك بدرش بتاع الزوايا فرع فى الحرفيين وفرع فى جسر السويس وفرع فى المطرية