لما ادوس بنزين
 

السلام عليكم ورحمة الله وبركاتة

لما بدوس بنزين وانا ماشى وغالبآ بيكون فى الاولانى والتانى

العربيه بتتكبس زى ما تكون كده اخدت سحبه ووقف السحب وسحبت تانى اسرع

يعنى لما بدوس على الدواسه بتاعت البنزين العربيه تشد شاده جامده بس لحظه وبعدين يقف السحب وبعدين تشد شاده اجمد وتكمل سحب

انا كده كده عايز اغير البوجيهات وفلتر البنزين بس هل ده منهم ولا ممكن الكهرباء بتاعت الماتور عايزه تتظبط ؟ ولا ممكن تكون طرمبه البنزين فيها حاجه ؟

وكمان وانا ماشى مره من يومين كده وبفصل دبرياج وبوصل تانى سمعت زى صوت حكه كده

هل ده معناه انه لازم اغير ديسك واسطوانه ؟

وكمان من تلات ايام كده ابن خالتى كان سايق العربيه وربنا يسامحه بقى مع ان عنده عربيه وبيسوق بس اكل مطب غبى ما يأكلهوش واحد فى ابتدائى سواقه بصراحه فى الجنب الشمال العجله اللى ورا وامبارح لما طلعت بيها سمعت صوت كحكحه فيها كده بس مش كتير وغالبآ مش بيظهر غير فى المطبات بس انا الحمد لله بأخد المطبات بالراحه بس سمعت الصوت امبارح وكان واضح ممكن يكون ايه اللى حصل ؟.

وكمان كنت عايز اسئل لو عايز اغير العدادت بعدادت تانيه لازم التابلوه كله يتفك ولا ينفك من مكانه كده ؟

انا عربيتى مازدا 121 ومافيهاش rpm وانا مش بحب الخارجى لانه شكله زباله وكنت عايز اضمه للعدادات وشوفت عدادات على اليوتيوب لمازادا 121 برضه بس فيها ال rpm فا مش عارف يتغير ازاى ويتركب ازاى

رد: لما ادوس بنزين
 

اعتقد ان بك السرعه عايز يتظبط لان العربيه اعتقد بتشرق لما بتكبسلها بنزين:w6w200504111340266d

رد: لما ادوس بنزين
 

المشكلة دى كانت عندى والميكانيكى قالى دسك واسطوانة وبلية بس مكنتش بتيجى كتير يعنى قليل جدا وغيرت وجيبت الاصلى وزى ماهى بردة والاسطوانة والدسك طالعين مية مية متعملش حاجة قبل متتاكد انها السبب

رد: لما ادوس بنزين
 

بالنسبة لصوت الحكحكة دة ممكن يكون سوست التيل فلتت من مكنها ومع المطبات شفة لقمة التيل بتحك فى الطنبورة

رد: لما ادوس بنزين
 

انا سئلت المكانيكى اللى بتعامل معاه امبارح قالى انها ممكن تكون فلتر البنزيت او الكهرباء مش مظبوطه او طرمبه البنزين وكده كده هغير البوجيهات وسير التقسيمه والدينمو فخليه يشوفها ان شاء الله بالمره


والله بص انا النهارده طلعت بيها مشوار بتاع عشره كيلو رايح راجع او اكتر شويه مش كتير يعنى بس وانا بدوس فرامل سمعتها مره صفرت كده نفس التصفيره فقولت اكيد زى ما انتا قولت بس ما سمعتهاش تانى مع انى كبست فرامل كتير علشان اتاكد النهارده

وياريت يا جماعه اللى يعرف فى باقى الموضوع ما يبخلش عليا وجزاكم الله كل خير