مشكلة من المارش
بسم الله الرحمن الرحيم السلام عليكم و رحمة الله و بركاته عندي استفسار بسبب مشكلة اواجهها من فترة ظهرت بعد و قبل ما البطارية تبوظ و ظهرت بوضوح بعد محاولات لدوارة العربية الأول كنت بسمع زي صوت تكتكة من ناحية المارش بعدها بقيت اسمع زي صوت حاجة بتشحر او حديد بيخبط في بعضه بعد ما ادور و العربية تلقط و بعدها بقي في وسط الدوارة و العربية بتلقط و ساعات يستمر و ساعات بسيط و ساعات بعد الدوارة و الصوت اللي بيشحر ينتهي يبدأ صوت جديد زي حزام ماشي او حاجة بتلف ع الفاضي و احيانا بعد ما اطفي العربية صوت الحاجة اللي بتلف ع الفاضي يبدأ شوية و يروح و الاصوات ديه بتكون ظاهرة اووي و العربية باردة اوي الصبح لكن و هي سخنة ناردا مع تحدث و احيانا مع كل دوارة و دلوقتي الصوت بقي عالي جداااا مع الدوارة الصبح و يفضل مستمر فترة لحد ما العربية تسخن اقفل و ارجع ادور تاني الصوت مش موجود طالما العربية سخنة و لما اروح عند ميكانيكي او كهربائي الصوت ميبقاش موجود و يفضل يجرب و يسمع من عند الموتور و يقولي انا مش شايف اي مشاكل في المارش او في الدوارة ممكن حد يقولي هو فيه ايه بالظبط ؟؟ |
رد: مشكلة من المارش
الاعراض مبهمه شويه بس المشكله في حاجه من اتنين 1- ترس الفلام وده استبعده شويه 2- المارش نفسه ممكن يكون محتاج جلب او مخدات وللاسف مش حيبان الا لما تفك المارش والسبب ان العيب ما بيظهرش قدام اي ميكانيكي ان العربيه بتكون ساخنه وبالتالي اللقط بيبقي اسرع وبكده العيب ما بيظهرش :fun_36_1_39[1]: |
رد: مشكلة من المارش
اقتباس:
شكرا لردك السريع يا باشا انا متوقع فعلا شئ من الاتنين لكن الاعراض غريبة و متغيرة طب سؤال هل الفك و الكشف و التركيب فيه مشاكل و وقت طويل و لا بسيط ؟؟؟ |
رد: مشكلة من المارش
اخى الكريم بمجرد ما تفك المارش ترس البندكس هيبان اذا كان متاكل او لا
وانا اعتقد انك هتلاقية متاكل وحلة انك تغيرة بنوع جيد ونفس عدد السنون اما لو لقيت الترس مش متاكل يبقى كدة العيب فى الفولام والحل اما انك تفك ترس الفولام (ودة هايستدعى انك تفك الفتيس ) وتنطر الترس من الفولام وتقلبة النحية التانية او انك تنطر الترس من الفولام وتشترى زية او لاسف لو كان الترس والفولام حتة واحدة هاتضطر انك تشترى فولام استيراد |
رد: مشكلة من المارش
اقتباس:
|
الساعة الآن 02:45 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017