مصر موتورز مجتمع السيارات - تجربتى بالصور عن خرطوم الريداتير

السلام عليكم ورحمه الله وبركاته
اولا اوجه كامل شكرى للمهندس eng/walaaeldeen
هو من نصحنى وقدم الى كامل التفاصيل عن الموضوع :Bravo:
مياه الريداتير كانت بتقل بشكل كبير جدا وكل يوم كنت بزودها الى ان اكتشفت العيب وهو الخرطوم الى رايح للموتور
فسالت المهندس ولاء عن الحل وقالى غير الافيز مؤقتا على ما تجيب الكوعه من التوكيل ونصحنى بهذا ايضا hyundai 2005

الافيز الاول كان هكذا

http://im18.gulfup.com/Xxoy3.jpg

والصورة ده توضح التسريب الى كان موجود

http://im19.gulfup.com/EsM91.jpg

روحت النهارده اشتريت قفيز كويس ومياه خضراء للريداتير
المياه 3 لتر تقريبا 15 جنيه
والقفيز بجنيه ونص

استنيت العربيه تبرد وفكيت القفيز ونزلت تحت العربيه وفكيت الخرطوم طبعا كنت جايب طشت الغسيل علشان اصفى فيه المياه :CHUBBY~36::CHUBBY~36:سوق سوقسوقسوق

بعد ما صفيت المياه واتبهدلت لانى كنت تحت العربيه بس المياه كانت سخنه الحمد لله كانت حلوه فى البرد ده :Bravo:
بعدها قطعت الخرطوم من بعد القفيز القديم وده صورته

http://im16.gulfup.com/ZnGb1.jpg

نزلت تحت العربيه وركبت القفيز التانى وربطت عليه كويس جدا بس للاسف بالمفك بس ماعرفتش اجيب المفتاح علشان اربطه بيه علشان المكان كان ضيق شويه بس اتربط كويس الحمد لله
وده صورته من تحت العربيه

http://im16.gulfup.com/TP9J2.jpg

وده من فوق واوضح

http://im16.gulfup.com/6Zd73.jpg

بعدها دورت الموتور وحطيت المياه الى انا صفتها تانى ماكنش فيها اى حاجه الحمد لله
طبعا فى فاقد فى المياه وقع على الارض فعلشان كده اشتريت مياه وزودت بيها وعليت ال rbm شويه علشان اطلع الهواء وزودت قربه المياه ومسحت المياه من تحت الريداتير وحول الخرطوم علشان ابقى اعرف هى هتسرب تانى ولا لا
وروحت طالع مشوار قصير جدا وحرقت على العربيه شويه ورجعت البيت بصيت على الخرطوم مالقتش فيه حاجه الحمد لله :Bravo::Bravo::Bravo::133 6::1336::1336:
يارب بس مايتقطعش من الناحيه الى متركبه فى الموتور علشان ده اكتشفت انه مستحيل اوصلها لا من فوق ولا من تحت ولازم التلاجه تتفك وده لو حصل هضطر اروح لميكانيكى او التوكيل هيكون افضل
يارب الموضوع يكون عجبكم
دمتم على خير
اخوكم فى الله
أمير الجمل