|
مطلوب كهربائى شاطر لسيارة byd f3
مساء الخير على احلى شباب فى المنتدى
بعد اذنكم عايز كهربائى شاطر يفهم كويس فى كهرباء السيارة المذكورة كويس عايز اركب فوانيس شبورة امامى و ليهم سلك معين بجوار تظبيط المرايا بس اللى عرفتة مش اى كهربائى يعرف يوصلهم ف ياريت لو حد يعرف حد كويس فى اى حتة فى القاهرة يكون اتعامل مع السيارة قبل كدة سؤال تانى اية الفرق بين الكشاف العادى و الكشاف الكريستال و الكشاف الزينون علشان معرفش اية الفرق بينهم و ايهم الاحسن شكرا |
رد: مطلوب كهربائى شاطر لسيارة byd f3
عربية حضرتك حديثة جدا وليها كتالوج صيانة وكتالوج مستخدم ممكن بشوية مهارة بسيطة وتركيز تعمل انت الشغل ده كما قال الامام الشافعى علامة عصره رحمه الله ما حك جلدك مثل ظفرك فتول أنت جميع أمـرك لان المسألة بسيطة ثانيا الكهربائى نفسه مش هيعمل اكثر من اللى انت هتعمله ثالثا الكهربائى كان زيك بالضبط بس جرب واشتغل واتعلم كشاف عادى يعنى ازاز ما تقدرش تشوف منه براحتك اللى وراه كشاف كريستال يبقى شفاف تشوف اللى وراه الزينون والهالوجين الزينون أقوى من الاضاءة العادية الهالوجين 3 مرات زى التقارير ما بتقول وزى ما بنشوف فعلا الزينون بيوفر فى الطاقة المستهلكة فى الاضاءة عمر افتراضى وقوة اداء عالية الزينون غاز كل حرارته ما تزيد يبقى ازرق وكل ما تقل يبقى اصفر بيقيسوه بالكلفن واسع الانتشار بعيد المدى ودى اهم ميزه عن الكشاف العادى فيه اكثر من تقنية ونظرية لعمل الزينون حاليا بحيث يديك القوة فى الاضاءة بمجرد الاناره عيبه الوحيد انه بيعمى اللى قدامك http://www.google.com.eg/url?source=...0-jFVUtOWujyXg خصوصا فى مصر معظم الناس بتركبه علشان ترخم على قصادك بشكل غير حضارى وكمان اغلب اللى بيركبوه بيركبوه غلط سواء فى المستوى او درجة الاضاءة الصحيحة الا من رحم ربك قلقاس فى سمك وكرنب فى برتقال والدنيا ماشية وما حدش عارف وقليل فاهم ابحث فى النت هتلاقى دنيا كبيرة اسمها زينون والله اعلم وانتظر هتلاقى فى المنتدى اللى هيفيدك اكثر تحياتى لك |
رد: مطلوب كهربائى شاطر لسيارة byd f3
ماشاء الله عليك
حضرتك شرحت الموضوع بأختصار و افادة كبير متشكر جدا لحضرتك -- بس لانها اول عربية ليا فصعب انى العب فى حاجة فيها و كمان مفهمش اى حاجة فى كهرباء العربية فعلشان كدة قولت ادى العيش لخبازة و علشان التوكيل حرامى اخر مرة سألت على تركيبهم قالى 350 جنية فدة كتير لكن الكريستال 120 جنية و الزينون 200 جنية و تركيبهم 50 جنية ووصلاتهم موجودة بس عايزة واحد زى ما قلت شاطر علشان يقدر يوصلهم علشان اعضاء وصلوها بالطريقة دى شكرا جدا لحضرتك |
رد: مطلوب كهربائى شاطر لسيارة byd f3
مفيش غير الاسطى احمد الكهربائى بالمعادى ده فنان وان شاء الله هيعمل لحضرتك كل اللى بتقول عليه ده بسهولة ان شاء الله فعلا ده فنان بمعنى الكلمه سواء كهربا او تكيف واسعاره بجد عادلة جدااا على قد ما بيشتغل على قد ما بيطلب ومش غالى نهائيا والله بمعنى الكلمه وليه موضوع عن تركيب تاكيفات جديده للسيارات وفيه ناس كتير راحولوا شهدوا له بالخبره فى السيارات انصح حضرتك تروحلوا بص اتصل بيه قبلها واحجز معاه ميعاد علشان فى اغلب الوقت بيبقى زحمة جداااا الاسم : احمد حنفى رقم التليفون:01065020100 العنوان : شارع التعاون بالمعادى قريبا من نادى المعادى و جامع الفتح الاسلامى و مكتب صحة المعادى التخصص : كهرباء وتكيف لجميع انواع السيارات بمختلف انواعها وموديلاتها |
رد: مطلوب كهربائى شاطر لسيارة byd f3
متشكر جدا يا استاذ سيد
هتصل بية و اسئلة شكرا جدا لحضرتك SLAM |
| الساعة الآن 03:51 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017