رخصه القياده
لو سمحتوا يا جماعه انا في موضوع معقد شويه اولا والدي اشترى عربيه و بعد كده سافر و العربيه فضلت مركونه عشان محدش بيعرف يسوق غيري بس مش معايا رخصه و كان اعتمادنا على التاكسي بس المشكله ان في الكام شهر اللي جايين دول محتاجين نروح الشرقيه كذا مره و ده هيكون مكلف جدا بالتاكسي فعشان كده بفكر اني اجرب حظي في شهر واحد كده اروح اطلع رخصه علما اني لسه هتم 18 في شهر 6 2013 تفتكروا هينفع و لو حاولت بالكتير هسخر كام ؟ انا تبع مرور حلوان يا ريت حد يفيدني
|
رد: رخصه القياده
فيه حاجات لا يصلح فيها التجربة لأن تاريخ الميلاد هيتحط على الكومبيوتر و طالما العمر هيتحسب أقل من 18 الرخصة مش هتطبع أصلاً لأن برامج التراخيص دي كلها برامج آلية على الكومبيوتر - حتى إنت لما رخصتك هتخلص يوم جمعة مثلاً في سنة 2022 هتلاقي تاريخ إنتهاء الترخيص يوم الخميس اللي قبله علطول و ليس يوم الجمعة فلا جدوى من المحاولة على الإطلاق وتحياتي
|
رد: رخصه القياده
شكرا جدا لردك الوافي و هاصبر بقى ان شاء الله و نستحمل التاكسي كام شهر بقى
|
رد: رخصه القياده
بص ماتحوليشى كان معايا نفس الموضوع ورحت وسالت وقالو لا
واحد قالى ادفع 1000 جنيه وهجبهالك ملكش دعوة لكن انا استنيت السن وما دفعتش الا 100 جنيه |
رد: رخصه القياده
لازم الأول تتأكد من إجادتك للسواقه وتعرف كويس علامات المرور عشان الإختبار النظرى وتدخل الإمتحان بقلب جامد شهر 6 القادم بإذن الله |
الساعة الآن 01:18 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017