مين اقوى للطرق بتاعتنا ومين توكيل احسن ومين تستاهل سعرها
 

الحمد لله ربنا كرمنى ورزقنى بمبلغ حلو بعد بيع عربيتى النص النقل وكنت عايز بقى ارتقى واركب ملاكى بقى واعمل ابن ناس المهم انا شوفت عربيات كتير اوى اووووى واخر اختياراتى كانت : اوبل استرا تربو سيدان طبعا و سوبارو امبريزا الجديده توب لاين عارف ان فى فرق سعر 210 للاسترا و180 للامبريزا وفرق احصنه 180 و114 بس بصراحه انا بقارن بين مين اقوى للطرق بتاعتنا ومين توكيل احسن ومين تستاهل سعرها ومين فيهم الواحد يعتمد عليها فى اى ظروف لانى عندنا فى هنا شوارع الحمدلله مكسره واكتر حاجه فى الشوارع الاسفلت المطبات وكمان برك المياه هنا حدث ولا حرج . لو سمحتوا بقى انا عايز رايكوا وشكرا ليكوا مبدايا

رد: مين اقوى للطرق بتاعتنا ومين توكيل احسن ومين تستاهل سعرها
 

علشان ترجح عربية من اتنين لازم تحدد ميزانيتك وطبيعة استخدامك واولوياتك وخاصة فى الفئات فوق 150 ل 200 الف

رد: مين اقوى للطرق بتاعتنا ومين توكيل احسن ومين تستاهل سعرها
 

ان شاء الله حد يفيدك

رد: مين اقوى للطرق بتاعتنا ومين توكيل احسن ومين تستاهل سعرها
 

عشان تختار عربية صح .. لازم تعرف انت هتستخدمها في إيه... عشان ما تندمش

ممكن قوي العربية تكون كويسة جدا وغالية... بس مش مناسبة للاستخدام بتاعك

ساعتها هتندم قوي على فلوسك اللي حطيتها في مكان غلط

لو عايز تعرف أكتر عن الأسلوب الأصح لاختيار العربيات... ادخل على الموضوع ده:
"عايز تشتري عربية ومحتار؟؟؟؟ تعالى أقوللك إزاي تختار"


بس من وجهة نظري... بلدنا دي عايزة عربية 4×4

أنا رأيي تفكر في دايهاتسو تريوس أو اسبيرانزا تيجو أو سوزوكي فيتارا أو رينو داستر



...

رد: مين اقوى للطرق بتاعتنا ومين توكيل احسن ومين تستاهل سعرها
 

شكرا ليكوا يا شباب وربنا يوفقنى للخير