مازدا 3 موديل 2010 كحلي حد يساعدني بسرعه بسرعه
 

السلام عليكم
لقيت عربيه مازدا 3 موديل 2010 عدادها عامل 26000كلم كحلي معروضه علي المواقع من يومين بسعر 75000جنيه بس ولما إتصلت بصاحبها قالي انها رشه بره كامل وإنها كانت واخده خبطه في القنطره الأماميه والقايم الخلفي شمال بس اتصلحت وملهاش اي أثر.
السؤال دلوقتي كده العربيه دي تبقي لقطه وألا لأ مع العلم إني مقيم بالمنصورة ومعندناش مركز صيانه غبور ولاالعربيه مشهوره عندنا؟؟

رد: مازدا 3 موديل 2010 كحلي حد يساعدني بسرعه بسرعه
 

فين المزداويه محدش عايز يساعد وألا إيه ياشباب :(

رد: مازدا 3 موديل 2010 كحلي حد يساعدني بسرعه بسرعه
 

رد: مازدا 3 موديل 2010 كحلي حد يساعدني بسرعه بسرعه
 

ليه من أساسه تجيب عربيه ملعوب فيها و لما تيجي تبيعها تتمرمط. أنا اشتريت عربيه قبل كده رشه بره حتي السقف و ما كانش فيها حاجة خالص لا حادثه و لا حاجة و مع ذلك كان فيه ناس بتخاف و أنا ببيعها بيقول أمال رشه سقف ليه؟

رد: مازدا 3 موديل 2010 كحلي حد يساعدني بسرعه بسرعه
 

أنا عارف إن المازدا إعاده بيعها وحشه، بس مهو انا ليا رينج مش هقدر أعديه وهو 85 ألف وبدور ومحتار بين موديلات كتير لكن نفسي طبعاً أتخلص من الشيفورليه كوري الصنع غول البنزين بكل موديلاته فلما ألاقي مازدا 3 الشكل الجديد وبالسعر ده قلت لقطه لحد ما كلمت صاحبها ف قالي موضوع الخبطات لما سألته علي رشه بره كامل ليه؟؟؟
طيب لو فيه نصيحه بموديل معين يكون إيه مع مراعاة رينج السعر وياسلام لو ياباني "ماعدا اللانسر عشان مبحبهاش لله في لله والهوندا عشان المطبات انا بسافر كتير"
وآه لو أوكتافيا ايه5 موديل قديم 2005-2006 مثلا بس حالته كويسه لو فيه حاجه أودام حد ياريت يدلني عليها وبسرعه