أنجدونى يا أهل الخبره
السلام عليكم
أنا أشتريت عربيه نوعها لانوس 2005 1500 سى سى مرور حدائق القبه تاريخ الفحص 2013 تاريخ أنتهاء الرخصه 2/2013 و شاريها بتوكيل و عايز أنقل الملكيه و أعمل فحص و أجدد الرخصه و كده كده أنا تبع مرور الحدائق فمش حنقل ملف و مش عارف الخطوات بتاعته الكلام ده كله و مش عارف تكلفتها كام و بفكر أرخص 3 سنين ( أنتوا عارفيين الظروف الأقتصاديه و مش عايز أتصدم ) أتمنى أستفيد من خبراتكم و أنا قلت أكتب موضوع عشان ظروفى مختلفه عن المواضيه الأخرى شويه |
رد: أنجدونى يا أهل الخبره
لية ظروفك مختلفة
انا رديت على السؤال دة كتير اوى اوى هنا انت على شان نفس المرور يعنى ؟؟؟؟ نفس الاجراات صدقنى فى نقل الملكية العادية بس نصيحة بلاش تجدد 3 سنين خليك سنة واحدة محدش عارف بكرة فى اية |
رد: أنجدونى يا أهل الخبره
الاجراءات واحده الاختلاف بس انك بدل ما بتاخد تصريح 3 شهور بتاخد الرخصه سنه في ايديك والاجراءات 1- عمل عقد مسجل 2- شهاده مخالفات 3- ترفع بصمه وتفحص العربيه 4-تجيب ملف ملاكي 5- تدفع بوليصه التأمين 6- شويه تصوير ورق ودمغات 7-بتدفع الضريبه والذي منه 8- استلم يا معلم الرخصه ولو ناوي تغير قريب رخص سنه لو مش ناوي عليك وعلي 3 سنين ملعون ابو يوم المرور يومه بسنه :THE_PR~18: |
رد: أنجدونى يا أهل الخبره
اسمحلى اضيف جزئية صغيرة ان التسجيل ممكن يكون فى حدود من 900 ل 1000 تقريبا ورايى الشخصى طالما العربية لسة فيها رخصة خلى محامى يرفعلك دعوى صحة ونفاذ وهتكون فى حدود من 350 ج الى 450 ج لو انت عايز توفر هى هتاخد شوية وقت لكن هتغنيك عن التعامل ورسوم الشهر العقارى
|
رد: أنجدونى يا أهل الخبره
السلام عليكم نصيحه قبل التسجيل اذهب للمرور وهات شهادة بيانات تفيد بأن السياره انتاج محلي هيفرق في التسجيل هتدفع تقريبا 700 جنيه بدل تقريبا 950 جنيه والله المستعان |
الساعة الآن 01:57 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017