مشاكل كاربيراتير الكرستاله هاااااااااااااااام
 

الى كل الاصدقاء
واجهتنى فى سيارتى مشاكل فى الدوران والسحب
وايضا استهلاك البنزين
وكان الاستهلاك بعدل 4.5 كيلو للتر او 90 كيلو فى الصفيحه
وكنت لسه شارى العربيه ومغير سيور
وذهبت فنظفت الكاربيراتير عند متخصص
ولم تتحسن الا قليلا فى السحب
ونصحنى بميكانيكى كويس قام بتغيير البوجيهات وضبط سير الكاتينه وضبط التاكيهات
وتحسنت فى المشى كثيرا وارتفع المعدل الى 150 كيلو فى الصفيحه
وذهبت مره اخرى لمتخصص الكاربيراتير ولم تتحسن الا قليلا فوصله الى 160 - 170 فى الصفيحه
وهذا معدل مبالغ فيه وخصوصا فى سياره 1300 سى سى مانيوال
وكانت الافتاءات مثل تغيير الكاربيراتير او خرط الصبابات فى المخرطه ومنهم من نصح بعمره موتور
المهم وصلت للياس وقررت ان ابيع السياره
الى ان كانت اللحظه الحاسمه
نصحنى صديق بالذهاب الى المهندس مدحت قوره بالزقازيق
وهو مهندس ميكانيكا ومتخصص من 20 سنه فى اليابانى والكورى
وذهبت اليه ليلا فنظر الى السياره وقال بكره انشالله تيجى الشغلانه هتاخد 4 ساعات منهم ساعتين العربيه هتبرد وانشالله هتبقى تمام
ومعلومه هامه هنا ان كاربيراتير الكرستاله مختلف عن اى كاربيراتير اخر
حيث انه قريب من المرسيدس قليلا
وهو مرحله وسطى بين الكاربيراتير والانجيكشن
وطبقا للمتخصصين انه عند فتحه فلن يعود كما كان
وهى حقيقه فعلا وكنت قد ندمت على فتح الكاربيراتير ولكنى بعدها ادركت انه كان به عيب فعلا يحتاج الى اصلاح وهو ما جعلنى اهدأ قليلا
المهم
ذهبت اليه فى اليوم التالى وهو يملك ورشه واسعه اشبه بالتوكيلات وبها احدث المعدات فضلا عن الادب و البشاشه التى تتعامل بهم منذ دخولك وحتى رحيلك
ترك السياره حوالى 3 ساعات
وبعدها فك الكاربيراتير ونظفه تماما ثم اصلح السخان
وكان الكل يقول ان السخان لا يتم اصلاحه لانه بزيبق
ولكن سخان الكرستاله على المياه الساخنه وليس زيبق وقام بارساله الى المخرطه لعمل طبه للسخان جديده وعمل جوان له ثم قام بضبط التاكيهات
مش هقولكم بعد ما العربيه بردت 5 ساعات كانت سهله ازاى فى الدوران
والله اول مره احس انها عربيه
وكمان العمليه مش مكلفه خالص
المهم حسبت المعدل
عملت حوالى 152 كيلو
اغلبها فى طرق نصف سريعه او بداخل البلد
وفولت السياره فاخذت 15 لتر بنزين
يعنى المعدل 200 كيلو فى الصفيحه
ممتااااااااااااااااز
ده كله ولسه محسبتش عالسريع هتعمل كام
فعلا رحت شكرته
انا حبيت انقل لكم تجربتى لان الموضوع فعلا كان قاتلنى
وارجو انى اكون افدتكم
وبالمناسبه اللى محتاج يروح للمهندس مدحت قوره
يروح بدرى وهو ورشته على طريق هريه بالزقازيق
ويقوله بس انا من طرف د.احمد امين
وانشالله ربنا هيجعل فى ايده الشفا

رد: مشاكل كاربيراتير الكرستاله هاااااااااااااااام
 

المهندس مدحت قورة راجل محترم جداا انا اعرفة من حوالى 31 سنة :D
لانة خالى:)
وشكرا على المشاركة دى