مقبل علي شراء ميجان 2005 تنصحوني بايه
 

السلام عليكم
اعضاء المنتدي الكرام
انا ان شاء الله رايح بكره اتفرج علي ميجان 2005 اوتو علي كلام صديق شافها هي فابريقه دواخل و رشه جانبين و شنطه (الكبوت و السقف مفيهوش رش )
66000 كيلو
اللون فيراني
و بيقول ان العربيه سليمه و نضيفه من جوا و برا بس لمبه التشيك منوره
و هو ظبطلي ميعاد بكره ان شاء الله قرب محطه شل اللي في الهرم علشان نكشف عليها و انا بثق في المحطه دي جدا و كمان مجربها اكتر من مره في في عربيات كوري مش عارف الكشف علي الموتور الفرنساوي يبقي بنفس الكفائه و لا لأ
بعد الكشف علي حاله الدواخل و الشاسيه و الموتور و اذا طلعو كويسين تنصحوني اروح لمتخصص في الرينو و نشوف موضوع لمبه التشيك و يا تري في حد في الهرم او فيصل عندو جهاز الميحان و لا تنصحوني بايه
و يا ريت اعرف متوسط سعرها علي افتراض انها ممكن تصرف شويه صيانات
انا بقول انها احسن من الفيرنا اوتو و كمان بتبقي في نفس الفئه السعريه و الموديل كمان
مع الفارق في مصاريف الصيانات و اعاده البيع طبعا كلها تحسب للفيرنا

منتظر اراء الاعضاء الكرام من مالكي و اصحاب الخبره في الميجان

رد: مقبل علي شراء ميجان 2005 تنصحوني بايه
 

الرينو ميجان 2 بالذات مينفعش معها غير التوكيل .....اي كشف او صيانه بره التوكيل معناه ان العربيه في الترالالي و بالتوفيق

رد: مقبل علي شراء ميجان 2005 تنصحوني بايه
 

حضرتك تقصد الكهربا و الموتور و الكمبيوتر و الحساسات و لا العربيه بالدواخل و العفشه اجمالا
و هل ينفع الكشف علي الموتور و الكهربا فقط و التكلفه تقريبا ممكن تبقي قد ايه و يا تري اقرب مركز كشف الاقيه فين و انا في الهرم

رد: مقبل علي شراء ميجان 2005 تنصحوني بايه
 

انا اقصد كل حته فيها صغيره و كبيره....لو العربيه دي حد لمسها غير التوكيل يبقى انسى انسى انك ترتاح يوم في حياتك .........و السعر 500 جنيه فحص شامل كامل في التوكيل eim

رد: مقبل علي شراء ميجان 2005 تنصحوني بايه
 

ياباشا التوكيل ملوش اى لازمة....التوكيل فلوس على الفاضى.....انا معايا ميجان و معايا فيرنا.....مفيش وجه للمقارنة بين الاتنين....الميجان عربية فوق الممتازة بس اكشف عليها بالكمبيوتر يكون افضل...