مصر موتورز مجتمع السيارات - ارجوا الافادة فى عربيه هيوندا سيفك 87 اوتوماتك ربنا يبارك فيكم ويزيدكم من علمه

مصر موتورز مجتمع السيارات (https://www.masrmotors.com/vb/index.php)

- هوندا Honda (https://www.masrmotors.com/vb/forumdisplay.php?f=31)

ارجوا الافادة فى عربيه هيوندا سيفك 87 اوتوماتك ربنا يبارك فيكم ويزيدكم من علمه

بسم الله الرحمن الرحيم
الموضوع ان ابن خالى معاه عربيه هيوندا سيفك موديل 87 هاتش باك اوتموماتك وهيبيعها وانا عايز اشتريها منه بس العربيه عايزه شوية حاجات زى الفتيس بيعلق فى المرشدين وكمان هو لسه جايبلها ماتور استيراد من عزبة شلبى لكن بيقلى انه عايز طقم شمبر والحاله الخارجيه للعربيه فيها شوية شغل سمكره ودوكو . انا عايز منكم بس انى اعرف ثمن الفتيس استيراد بكام ومن اين وكمان موضوع الماتور ده مقلق واللى عادى يعنى من الاخر العربيه دى تصرف كام وتبقى تمام خالص - وانا اشتريها منه بكام لانه مرن معايه فى السعر يعنى لا اتظلم ولا اظلمه وسؤال تانى قطع غيارها عامله ايه وهى كعربيه كويسه واللى هطلع عينى علشان دى اول فرحتى ان شاء الله وفى الاخير اشكركم جدا وربنا ما يحرمنا من خبرتكم ويجعل تعبكم معانا فى ميزان حسناتكم

رد: ارجوا الافادة فى عربيه هيوندا سيفك 87 اوتوماتك ربنا يبارك فيكم ويزيدكم من علمه

ايه يا رجالة فين الردود ارجوكم محتاجكم معايه بسرعة حد يرد عليه

رد: ارجوا الافادة فى عربيه هيوندا سيفك 87 اوتوماتك ربنا يبارك فيكم ويزيدكم من علمه

بص ياباشا الى اقدر افيدك فية ان هى كعربية جميلة والمكن الهوندا معمر جدا والعربية دى هتلاقى قطع غيارها مرمية بالهبل فى بورسعيد ودول فعلا ملوك الهوندا بجميع موديلاتها

بالنسبة للسعر مش هقدر افيدك فية فمش هتكلم في حاجة فيها اسعار وان شاء الله هتلاقى حد من رجالة المنتدى يديك الخلاصة

رد: ارجوا الافادة فى عربيه هيوندا سيفك 87 اوتوماتك ربنا يبارك فيكم ويزيدكم من علمه

اقتباس:

المشاركة الأصلية كتبت بواسطة HaMaDa-ToUBaR (المشاركة 818204)

والله انت راجل محترم ومستنى باقى الرجالة علشان عايز اعرف السعر كام والفتيس بكام يارجالة انتم فين

رد: ارجوا الافادة فى عربيه هيوندا سيفك 87 اوتوماتك ربنا يبارك فيكم ويزيدكم من علمه

خدها في حدود 14الف كده و لو اقل شويه دي اسمها شاتل صاجها الخارجي يختلف عن السيفك السيدان87 بس موتورها و عفشتها كلها العادي بخصوص الفتيس الاوتوماتك بيعمل حوالي 2000 عشان لو اقل من كده بيكون حالته مش كويسه اوي و لو عايز تعرف سعر قطع غيارها
كبالن تايون الاتنين 250
مساعدين 400 ياباني
بارات داخلي ياباني230
بارات خارجي ياباني140 تايوان 100
علبه دركسيون كامله تايون 600
طنابير 250تايوان تيل ياباني100 تايوان 70
بليه عجل ياباني90
مقصات امامي تايوان 330
قواعد موتور 130 قاعده كاتينه 150 قاعده قنطره 120 قاعده فتيس
طقم جوان 130 جوان سلندر 25 جوان تاكيه 25
جوان كرتير 40
سلك بوجيهات 50 ياباني بوجيهات ياباني 35
لو عايز تعرف حاجه تاني ابعتلي و انا في الخدمه