رجاء المساعده سمكرة فيرنا
 

لو سماحت أنا عربيتي فيرنا عند السمكري بيقولي غير الرفرف الشمال و اليمن علشان العصب علشتان اتراد على البرد مرتين قبل كده في الضياع هو قال ممكن يتسمكر بس لو حد سند عليه هيدخل جوه اشتري جديد اسود تيوانى ولا اسمكر القديم

رد: رجاء المساعده
 

رد: رجاء المساعده
 

الجديد ضعيف جدا
هاتهم استيراد ولو لقيت نفس اللون يبقى تمام اوى

رد: رجاء المساعده
 

رفرف الفيرنا على حد علمى مفيهوش عصب ولا احزنون ... وبتقول اترد على البارد مرتين ولا عشرة الرد على البارد ميأثرش سلباً على اى حاجة فى هيكل العربيه فده كله كلام سمكرى عايز يفتح شغل او يمكن الرفرف معصور جامد ولازم شغل حموات وهو مكسل يعملة
فيه سمكرية بتريح دماغها وتحب تشتغل شغل فك ... ركب ولا كأنه توكيل !!!

انا انصحك تشوف الاوفر بالنسبالك واعتقد ان الأوفر تسمكر القديم بحموات ويترش وخلاص
غير كده هتروح تجيب واحد بفلوس وترشه بفلوس وهياخد مصنعية تركيب برضو فلوس كتير بصراحة

على فكرة انا بكلمك عن تجربة اكتر من عشر سنين مع الكيا برايد الهاتش باك والعادية والصاج بتاعها ورق بمعنى الكلمة والرفارف بالاخص فيها سوكة صعبة وعايز اقولك سمكرت ورديت الرفارف ديه عشرات المرات ومفيش الكلام اللى بيقولة ده خااااالص

امال لو كان ده الرفرف الورانى كان هيعمل ايه ؟؟؟ كان هيقولك بقى نجيب نص خلفى

الناس اللى زى الراجل ده مش بتوع شغل خد بالك ومتخليش حد يضحك عليك


http://i301.photobucket.com/albums/n...9092007532.jpg