نويت انزل اشتري فيرنا 2013 تنصحوا بأيه وهل هي 1500 ولا 1600؟
 

السلام عليكم

بعد صراع طويل جدا مع عربيتي ال 127 لحد ما خلاص جبت اخري زحلقتها ونزلت اجرب حظي مع سوق المستعمل واجيب حاجه انضف شويه بقالي 3 شهور بلف حوالين نفسي شوفت جميع انواع العربيات واغلبه زي الزفت هتصرف عليه ضعف تمنه والنضيف شويه صاحبه بيتأمر وبيبع بالغالي كأن مفيش اخوه
فأستقريت اخيرا والحمدلله اني اجيب فيرنا زيرو كامله منوال واريح دماغي وابقى في السليم

فاياريت لو فيه حاجه معينه تحبوا تنصحوني بيها او اخلي بالي منها وانا بشتري يبقى كتر خيركم
وايه موضوع السي سي ده 1500 غير 1600 ولا الاتنين حاجه وحدة وبتتكتب كده ولا ايه وانهو الافضل وهل فيه اختلاف في السعر؟

وياريت لو حد يعرف اشتري منين في اسكندرية ويبقى اسعاره حلوه ويخلص الموضوع بسرعه ميلطعنيش
صحيح هو فيه مدة انتظار معينه ولا بستلم العربيه على طول ؟ وايه نظام الاجراءات

معليش اخوكم غشيم ولسه اول مره اشتري واتعامل مع عربيات نضيفه بالنسبه للكاررو اللي كانت معايا :D
متشكر واسف على الاطاله

رد: نويت انزل اشتري فيرنا 2013 تنصحوا بأيه وهل هي 1500 ولا 1600؟
 

كده كده خلاص مبقاش فيه منها ١٥٠٠ سيسي اخرها كان موديل ٢٠٠٧التقفيل الكوري
انما من ٢٠٠٨ لحد ٢٠١٣
١٦٠٠ سيسي
تقبل تحياتي

رد: نويت انزل اشتري فيرنا 2013 تنصحوا بأيه وهل هي 1500 ولا 1600؟
 

رد: نويت انزل اشتري فيرنا 2013 تنصحوا بأيه وهل هي 1500 ولا 1600؟
 

شكرا لأهتمامك

احيييييه :D لأ ازعل اوي لو كده بس انا شايفها على النت فيه 2013 منها عادي

طيب وعموما ياجماعه ينفع امشي بيها بنزين 80 ولا فيها مشكله؟؟

رد: نويت انزل اشتري فيرنا 2013 تنصحوا بأيه وهل هي 1500 ولا 1600؟
 

انا رأيى سيبك من الفرنا وخليك فى اللوجان مانيوال او اوتوماتيك اللى يعجبك
بس انت الكسبان
وموفق ان شاء الله