طلب تسعير هوندا سيتى ضرورى يا رجالة
 

السلام عليكم .. معروض عليا هوندا سيتى 2006 فتيس ستيب ترونيك فى التارة 7 غيار غير المارش.. 1500 سى سى .. دواخل فابريقة .. جنوط اصلى .. عاملة 140 الف كيلو رشة برة بالكامل (حتى السقف) لكن مافيهاش حادثة .. استعمال سيدة اول يد .. و مطلوب فيها 65 الف
العربية بصراحة صالونها متهان سنة بسيطة عشان ماكنتش بتنضفة خالص
السؤال بقى
1- هل السيتى 2006 اصلا عربية كويسة؟؟
2- هل قطع غيارها موجودة ؟؟ بغض النظر عن السعر لان الغالى تمنه فيه
3- هل السعر ده مناسب ولا كتير على العداد و الحالة دى؟؟
4- هل فى ميكانيكية بيشتغلوا فى الفتيس الغريب بتاعها ده ولا لأ؟؟

رد: طلب تسعير هوندا سيتى ضرورى يا رجالة
 

تبدأ معاك من 57الي 62او64 الف حسب النضافه اهم حاجه دواخلها بالنسبه لقطع غيارها
العفشه..مثلا
مساعدين ياباني1100
مقصات 380
كبالن تبدأمن صيني100-تايوان150-350ياباني سعر الواحد
بارات داخلي تايوان 150-ياباني250
بارات خارجي ياباني 250-اصلي 330
جلب مقص الواحده 50 تايلاند
بالنسبه لقواعد الموتور تبدأ من 180 تايوان الي 400 لو اصلي ودي اغلي حاجه
ليها سير واحد بس اسمه سير مجموعه بيعمل 70 جنيه
ليها مباين بدل اسلاك البوجيه الواحده اصلي تبدأ من 300 لو تايوان 150
لو عربيتك 1300 بتكون 8 بوجيه لو 1500 بتكون 4 بوجيه
طنابير امامي 350 تايوان-وفي انواع تانيه كتير
تيل من اول 80 جنيه صيني -تايوان100-ماليزي 100 اسباني رمسا 180
تيل خلفي من 80 الي 150
مساعدين خلفي 700
زيت فتيس ب 100 الجركن بيكون زيت كهرباء هوندا
فلتر زيت 30
فانوس كشاف 300
فانوس خلفي 280
رفرف 200
كبوت 450
اكصدام امامي 280
اكصدام خلفي 300
شبكه 250
كده اعتقد كله تمام قطع غيارها متوفره بس هي اصلا تايلاندي مش ياباني بس عربيه مش وحشه كويسه

رد: طلب تسعير هوندا سيتى ضرورى يا رجالة
 

انا شاكر جدا جدا لرد حضرتك ... بس هل العداد كده كتير؟؟
ثانيا ... هل قطع الغيار الرخمة .. زى الحساسات و الكمبيوتر و الدينامو و خلافه موجودة ؟؟ وهل فى منها استيراد ؟؟ لنى مش حابب اركب عربية حاجتها نادرة خصوصا انها مش منتشرة اوى
و نصيحة حضرتك هل بالعداد ده و الحالة دى اشتريها و اتوكل على الله ولا؟؟

رد: طلب تسعير هوندا سيتى ضرورى يا رجالة
 

العفو ياباشا بس 140 مش كتير بالدرجه العربيه كده كده حاله ممكن تكون عملاهم طرق طويله سفر و كده بس اصلا 140 مش كتير
بالنسبه دنمو مارش كمبروسر تكييف الحاجات دي استراد طبعا عشان سعرها في التوكيل نار دنمو او مارش من 400 الي 500 جنيه موجود مفيش مشكله
بس انت بتقول مش منتشره بس هي كتير بصرحه
اهم حاجه شوف زيوتها كويس وزيت الفتيس بتعها كهرباء مش موبل و الحاجات دي اسمه cvtده 100 جنيه الجركن ولاقدر الله لو فتسها كله باظ مش مشكله بابيعه من 2500الي 3000
فا عادي عربيه مش وحشه و حاجتها متوفره
في خدمتك

رد: طلب تسعير هوندا سيتى ضرورى يا رجالة
 

اسف يا باشا
بس اجيب الحاجات دى منين
انا عايز اكصدام خلفى و فانوس خلفى و ممكن اكصدام امامى