|
معلومة صغيرة لكن مهمة ( أمبير البطارية وسعر الشراء )
http://www.google.com.eg/url?source=...Yqsgo1OHv42hTA اردت فقط لفت الانتباه لما يحدث فى سوق البطاريات لما تروح تشترى بطارية 70 أم س ( امبير سائله ) هيديلك بطارية مكتوب عليها 70 L أو 70 Tc http://www.google.com.eg/url?source=...zKoGW8MhobJC1g هنا بقى مربط الفرس ده مش قوة أمبير البطارية / ساعة ده مجرد رمز أو لوجو ليه معنى بماركة البطارية وحاليا بيستخدموا الارقام دى للضحك على الناس الغلابة او المحترمين او اللى من المهندسين ولو بصيت كويس هتلاقى كلمة[COLOR="rgb(255, 0, 255)"] 62 A[/COLOR] هى دى قوة البطارية الحقيقة بالامبير ساعة يقوم بايعلك البطارية على انها 70 والحقيقة هى 62 وفرق السعر بيضربه فى جيبه وناس كثير مش واخده بالها يبقى الصح ايه ؟ بص يا بيه تدور على رقم مكتوب جمبه A نخش على النقطة التانية او المعلومة التانية يقولك البطارية 62 بيتدى 70 خطأ غير صحيح البطارية اللى مكتوب عليها 62 فى ظروف التشغيل المثالية والتصنيع التمام بتدى المكتوب عليها لا ازود - ممكن أقل كمان فى السوق اعتقاد بيروجه الجهلة والنصابين وهم قلة من اصحاب المحلات بتاعة البطاريات ان ال 70 بتدى 62 وده غير صحيح يبقى خد بالك ال 70 بتدى 70 وهى بالسوليفان بتاع المصنع وحسب شطارتك وعمرها الافتراضى لو قالك غير كده قوله لا انا عايز 70 مش 62 أمبير / ساعة [COLOR="rgb(255, 0, 255)"]النقطة الثالثة [/COLOR] لو رحت توكيل بطاريات هتلاقى البطارية غالية بس أصلية يعنى مش مضروبة لو رحت محل بطاريات او شركة تجارية خاصة هتلاقى نفس البطارية بشحمها ولحمها بس أرخص شوية تبقى ايه ؟ تبقى مضروبة يا بيه كل نوع فيه اخوه التقليد المصرى بيعلموها الفهلوانية فى مصانع العاشر واكتوبر وووجه بحرى والصعيد نفس الشكل والاستيكر وكل حاجة طيب تفقس الموضوع ده ازاى تسأل فى التوكيل الاول بعدي تسأل محل واثنين هتعرف مين فيهم اللى عنده المضروب ... http://www.google.com.eg/url?source=...Qqh22x5cwuuUGQ [COLOR="rgb(255, 0, 255)"]البطاريات زى الجواز [/COLOR] حظوظ ممكن تقع فى بطارية تعيش معاك وغيرك تبوظ منه فى خلال شهور والسبب ان اللى معاك اصليه http://www.google.com.eg/url?source=...Nki02X5QGZXjyw والثانية اتعملها Renew اعادة تجديد بأجهزة متوافرة صناعة الصين تجديد يعنى ونزلت تانى بعلبة جديدة والمشترى يلبس وحسبنا الله ونعم الوكيل .... اخر حاجة خلى بالك من رقم المسلسل بتاع البطارية الى فى ورقة الضمان يكون متطابق علشان لاقدر الله ما يرجعش يقولك دى مش بطاريتى اللى بعتهالك واللى يعيش ياما يشوف فايدة المنتدى انه بيعرفك معلومة تستفيد بيها فى حياتك العملية اتمنى اكون أفدتكم ارجو منكم الدعاء بظهر الغيب لى ولوالدى تقبلوا احترامى |
رد: معلومة صغيرة لكن مهمة ( أمبير البطارية وسعر الشراء )
جزاك الله كل خير يا باشمهندس
تقريبا كل البطاريات اللى فى السوق بيبقى مكتوب عليها 70 و 62 المهم الدينامو يكون بيطلع نفس الامبير مش أكتر ولا أقل عشان فى الحالتين هتبوظ بسرعة :fun_36_3_11[1]: ده غير تغيير الفصول من الشتا للصيف والسخونة الزيادة من حوض الموتور وتهريب القواطيش بيقصر من عمرها برضو |
رد: معلومة صغيرة لكن مهمة ( أمبير البطارية وسعر الشراء )
اقتباس:
نجم الميكانيكا السياراتية بنتعلم منك يا أستاذنا ربنا يبارك فيك :fun_36_3_11[1]: |
رد: معلومة صغيرة لكن مهمة ( أمبير البطارية وسعر الشراء )
اقتباس:
شكرا يا باشمهندس على المجاملة اللطيفة من حضرتك ويارب بالتوفيق دايما ومنتظرين من حضرتك كل جديد فى الكهرباء والإلكترونيات تقبل تحياتى |
رد: معلومة صغيرة لكن مهمة ( أمبير البطارية وسعر الشراء )
أستااااااااااااذ. بس فعلا فيه ناس كتير بتلبس في الحوار ده.
|
| الساعة الآن 02:04 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017