مصر موتورز مجتمع السيارات - التحليل النفسي لمالكي البروتون ساجا في مصر!

السلام عليكم ورحمة الله وبركاته :12EA7A~153:

في البداية أنا يشرفني أني أنضم لنادي ملاك الساجا في مصر مع الصحبة الجميلة والناس المحترمة اللي هنا من غير ما أكون شفتهم قبل كده ..
أنا الحمد لله حجزت ساجا 2012 أبيض اوتوماتيك امبارح من عز العرب واللي عرفته أن 2013 سعرها زاد 4000 يعني المانوال بقت 73ألف والأوتو 79 في التوكيل

أحب بقى أقدم تحليل متواضع لملاك الساجا في مصر:
أولاً : ملاك الساجا في مصر يتميزون بالدقة والتأني والصبر وتحري المعلومات الصحيحة وعدم الأخذ بظواهر الأمور أو الإشاعات لأنهم سمعوا كمية كلام من اللي حواليهم ورغم كده كملوا في الموضوع :F_14WA~16[1]:
ثانياً : ملاك الساجا في مصر يتميزون بالموضوعية والحكم وفقا للحقائق برضه عشان السبب اللي فات :D
ثالثاً : التعاون وروح الود والرغبة الصادقة في مساعدة الآخرين ودي حاجة أنا لاحظتها في المنتدى هنا وعجبتني جدا وحسيت فعلا بروح الأخوة والحب في الله بدون انتظار مقابل .. ربنا يديمها علينا نعمة :)
رابعاً : ودي مهمة جداً .. التميز .. يعني تلاقيهم أشخاص يحبون التميز ولهم شخصيات قيادية لأنها عربية متميزة مش منتشرة ومش أي حد يغامر ويشتريها..
خامساً : عمق الفكر والمنطق وسبر أغوار الأمور :thinkW19:
سادساً : الإحساس بالجمال وتقدير كل عمل جيد :36_13_6[1]:

أشكر كل من ساهم في المنتدى بمعلومة أو مشاركة أفادتني في اتخاذ القرار أو ستفيدني مستقبلا في التعامل مع السيارة ROSE4U

لكم جزيل الشكر والاحترام ROSE4U