ماروتى موديل 98 او 97 او لحد 2000 تعمل كام واستفسار أخر برجاء الاجابة
 

رد: ماروتى موديل 98 او 97 او لحد 2000 تعمل كام واستفسار أخر برجاء الاجابة
 

اهلا و سهلا بيك استاذ نيكولاس
الماروتي بالشكل دا تعمل في نفس الحدود اللي حضرتك بتقول عليها
ان لم تكن اقل قليلا يعني من 17 لحد 20 حسب الحاله
لكن حكايه التكييف دي انا مش برشحها نهائي لان الموتور بتاعها صغير جدا علي التكييف
و مهما كان التكييف المتركب مش حيبقي زي تكييف الفابريكه
ما تصبر شويه لحد ما توصل ل 25 الف او 27 الف و تجيب سويفت 93 او 94
عربيه ياباني و تكييف برضه و اعطالها محدوده و تكييفها كويس
دا لو التكييف فارق معاك اوي.

رد: ماروتى موديل 98 او 97 او لحد 2000 تعمل كام واستفسار أخر برجاء الاجابة
 

شكرا جدا لردك
وبعتذر على التاخير فى الرد
بس انا قدامى دلوقتى ماروتى موديل 2000 ب 15500
لما اتصلت بصاحبها قالى انها رشه برا
بس لسة هشوفها
اية نصايحك لما اشوفها؟؟؟
ولا اسيبها وخلاص عشان هى رخيصة جدا على متوسط سعرها

رد: ماروتى موديل 98 او 97 او لحد 2000 تعمل كام واستفسار أخر برجاء الاجابة
 

العفو يا نيكولاس
روح اتفرج عليها يمكن سعرها نقص لان السوق دلوقتي مش مستقر
و لازم سمكري يشوفها ماينفعش تشوفها لوحدك طالما مالكش خبره
علشان يشوف الاساسيات و يا تري واخده خبطه ولا لاء
شوف حد من قرايبك يكون ليه في العربيات و ياخدك عند السمكري او الميكانيكي بتاعه
طبعا لازم تتاكد ان الرخصه باسم مالكها
و لو مش مالكها يبقي المالك عامل توكيل و تشوف التوكيل ضروري
علشان النصب كتير في كل مكان اليومين دول

رد: ماروتى موديل 98 او 97 او لحد 2000 تعمل كام واستفسار أخر برجاء الاجابة
 

شكرا جدا ليك على النصائح دى
وان شاء الله هروح مع صاحبى خبرته مش كويسة اوى وهنروح لسمكرى وبعدين هنروح بنزينه
بس هم فى البنزينه هيعملوا اية بالظبط
وهيعرفوا الموتور هيستحمل قد اية والحاجات دى ولا اية بالظبط