أستفسار كامل عن اللادا نيفا
 

السلام عليكم .. أنا حابة اسأل عن عربية لادا نيفا عيوب ومميزات حقيقية مش الشائع وانها تقيلة ومتنفعش لبنات او ستات والكلام اللى مش عملى دا عايزة اسأل عن العربيات اللى موجودة منها فى السوق المصرى طبعا مستعمل من التمنينات والتسعينات ومدى كفائته وياترى يتركبلها طارة باور ولا مينفعش طبعا دا عشان تنعم شوية ومتبقاش محتاجة مجهود وعزم شديد فى سواقتها انا عرفت ان الناس بتعمل كدة فى معظم العربيات اللادا عشان الطارة تخف شوية فى ايديهم وانا اخترت انه اعرف عنها اكتر عشان حابة اجيبها دون غيرها لأن دى اول مرة هتكون ليا فى امتلاك عربية انا متعلمة السواقة بس الأمر ميسلمش ولما كنت بسوق عالطريق بعربيات مختلفة كنت بلاقى الناس بتعمل حساب اكتر للعربية الكبيرة عن الصغيرة محدش بيزنئ عليك محدش بيستعبط ويعمل مش شايفك وهيعدى الاول يعنى هيعدى الاول خصوصا الميكروباصات والعربيات النص نقل والاتوبوبيسات فحبيت بما انو ميزانيتى مش هتكتر عن 17 انو تكون العربية قوية فانا استخدامى مش استخدام عائلى ومحتاجة 4 أبواب ومش عايزة اجيب جديد عضم خفيف ولما تتخبط اقعد اعيط جنبها على تمنها وعلى اللى لسى هيدفع تصليح.. فأولوياتى فى اختيارها هى او غيرها فى حدود الميزانية الموضوعة عربية قوية متحتجش تصليح كتير ولو احتاجت تبقى قطع غيارها سعرها خفيف وفى متناول الأيد والميكانيكية ميأفروش عليا فى تمن التصليح لإنى ببساطة مش راكبة عربية احدث موديل ولا احدث نوع وانا مشاويرى محدودة ومش هسافر بيها فميهمنيش سرعات عالية وتغريز على الطريق وما شابه متفرقش معايا اد ما تفرق ان العربية تعيش ومتفتحش بوقها كتير ومتفرقش معايا الرفهيات والتكييف .. اهم شيئ الاستحمال والقوة والسعر المناسب لأنه الواحد لسى فى البداية

رد: أستفسار كامل عن اللادا نيفا
 

رد: أستفسار كامل عن اللادا نيفا
 

النيفا من بداية 2009 فيها بور وتكييف بس السع هيعدي 17 اللف كما ذكرتي .... وبالتوفيق

رد: أستفسار كامل عن اللادا نيفا
 

لا انا ميهمنيش التكييف خاااالص فانا عايزة اجيب قديم اصلا هى متغيرتش من زمان لدلوقتى هى زى ما هى مفرقتش غير فى الكماليات البسيطة ودى تتعمل عمولة مش هتفرق المهم انى بس حابة اعرف إذا يركبلها دركسيون باور وايه نظام الفتيس فيها تقيل برضو ولا عادى بما انو كل حاجة فيها تقيلة ولو حد قدامه حاجة قديم تمنينات ياريت يعرضها عليا واللى يعرف ميكانيكية متخصصين فيها واسعارهم حنينة كمان ياريت يقولى وكتر خيركم جميعا وشكر عالاجابات

Re: أستفسار كامل عن اللادا نيفا
 

بصى بالنسبه للدريكسيون ممكن تركبى بور و ده حيتكلف حوالى 2000 جنيه بس مش محبب فى النيفا عشان مش بيفصل على السرعات العاليه و ده خطر
و ممكن تركبى علبه دريكسون 5 بليه و دى اخف من العاديه بكتير
عموما نصيحه اخ
النيفا عايز واحد مقاول صنايعى"مع كامل احترامى لملاكها" عشان دى عربيه بهدله مش ركوب يعنى شغل فى موقع بناء فى مزرعه كده يعنى
عموما 17 ميجبوش ليك عربيه محترمه انصحك شوف حاجه تانيه اخف و اسهل فى الاستخدام