مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - انا محتار بين (https://www.masrmotors.com/vb/showthread.php?t=103168)

انا محتار بين

انا محتار بين تلك السيارات وعايز حد يفيدنى فيهم ويساعدنى على الاختيار بينهم وانا جديد فى السواقة جديد لانج وعلشن ذلك السبب هتكون العربية اوتوماتيك والعربيات هى اللوجان والفيرنا والساجا وbyd f3 كل واحدة منهم بالنسبة لى فيها عيب وميزة
أولا :-اللوجان ميزتها وسع الشنطة وسع الصالون أرتفاع عن الارض عيبها أنا مبشوفش كبوت العربية خالص وانا سايق "انا جديد فى السواقة" وديه مشكلة كبيرة بالنسبة لى
ثانيا :-الفيرنا ميزتها موتور قوى وناعم جدا وأبعادها سهلة لى "أنا بشوف كبوت العربية وأنا سايق" عيبها السيارة واطية على الارض وبتحك فى المطبات
ثالثا :- الساجا ميزتها موتور قوى أبعادها سهلة بالنسبة لى مرتفعة عن الارض عيبها عدم الانتشار الصالون خاماته رديئة جدا
رابعا :- byd f3 ميزتها صالون واسع وأمكانيات كثيرة ومرتفعة عن الارض عيبها بالنسبة لى أبعادها انا حاسس ان حجمها كبير وخاف أسوقها معلش "انا جديد فى السواقة" غير أنها صينى
الرجاء مساعدتى فى الاختيار

رد: انا محتار بين

اقتباس:

المشاركة الأصلية كتبت بواسطة amr soltan (المشاركة 801937)

{{{لو مشكلة الكابوت مشكلة كبيرة يبقى تستبعد العربية و لكن هذه المشكلة لم يتم إثارتها من قبل و ممكن يكون الكرسي كان عايز يتعدل إرتفاعه}}}

ثانيا :-الفيرنا ميزتها موتور قوى وناعم جدا وأبعادها سهلة لى "أنا بشوف كبوت العربية وأنا سايق" عيبها السيارة واطية على الارض وبتحك فى المطبات

{{{العيب الوحيد إنها واطية على الأرض ده عيب الناس تعايشت معاه بصورة كبيرة و الدليل أنها أنجح سيارة تاكسي بعد الشاهين}}}

ثالثا :- الساجا ميزتها موتور قوى أبعادها سهلة بالنسبة لى مرتفعة عن الارض عيبها عدم الانتشار الصالون خاماته رديئة جدا

{{{موضوع قلة الإنتشار و رداءة الخامات هي مشكلات لا حل لها في الوقت الحالي}}}

رابعا :- byd f3 ميزتها صالون واسع وأمكانيات كثيرة ومرتفعة عن الارض عيبها بالنسبة لى أبعادها انا حاسس ان حجمها كبير وخاف أسوقها معلش "انا جديد فى السواقة" غير أنها صينى

{{{الحجم مش هتحس بمشاكله بالتعود - لو حضرتك رافض مبدأ الصيني يبقى دي مشكلة ما لهاش حل بالرغم من أنها أثبتت كفاءة ممتازة كتاكسي

الرجاء مساعدتى فى الاختيار

يبقى كده أعتقد الأولويات بالنسبة لحضرتك تكون كالتالي(مرتبة طبقاًُ لقلة المشاكل):-
1- الفيرنا.
2-اللوجان (لو حلينا مشكلة إرتفاع الكرسي أو تغاضينا عنها لأن السيارة كويسة).
3- BYD (لو الصيني ما فيهوش مشكلة لأن مشكلة الحجم بتروح مع الوقت فحرام تضيع عربية كويسة عشان مرحلة صغيرة).
4- الساجا (مشكلة قلة الإنتشار دي مش في إيد حد و جودة خامات الصالون كمان).
وده رأيي المتواضع وتقبل تحياتي

رد: انا محتار بين

BYD
LOGAN
VERNA
SAGA
:01FDAB~189:

رد: انا محتار بين

شكرا على الرد ومعنديش مشكلة مع الصينى خالص ولكن التقفيل المصرى ردئ وتقدر تشوف ده فى byd معظم العربيات منها الصاج مكسر وبتدهن دوكو غير مشكلة الاطارات اللى شوفنها كلنا فى كذا موقع العربية جميلة جدا بس التقفيل المصرى بالنسبة الاجزاء المصنعة محليا بتبقى دون المستوى وبتقلل من قيمة العربية جدا

رد: انا محتار بين

لوجان طبعا
ومع الوقت هتتعود على موضوع الكبوت دا
ومبروك مقدما