استفسار من اهل الخبر للميجان
 

السلام عليكم ورحمه الله وبركاته
ان شاء الله مقبل على شراءسياره مستعمله طبعا
ابويا قالى هتشترى ايه قلتله هاجيب ميجان 2005فل كامل
قالى لا لا لا لا العربيه اعطالها كتير وكمبيوتر مسيطر عليها كلها قطع غيارها مش موجوده ولو لقيتها هتكون غاليه
يا ريت كل الى ركبوا موديلات 2005 2006 يقولوا لاخوهم بصراحه على العيوب لانى مش عاوز البس فيها وسمعت ناس بتشتكى ويقولك دى سياره فاشله وبعدين اخوكم طالب جامعى والشغل على قدى طيعا وصلتكم
وياريت توضحولى فيها العزم الثبات العفشه العزل التكيف تحمل المشاوير وشكرا جزيلا ليكم

رد: استفسار من اهل الخبر للميجان
 

ياباشا احنا طلاب جامعيين زى بعض....الميجان عربية فوق الممتازة و شيك و فخمة...و انت ماشى بيها تحس ان انت راكب عربية غالية و شيك...
اهم حاجة انك تجيبها تكون حالة زيرو...
انت ممكن تلاقى 2006 ب 55000 و واحدة تانية نفس المواصفات ب 70000...
اركب الغالى فى الميجان
االموتور قوى و التكييف ممتاز و العفشة تحفة و الصالون فخم و فرامل فوق الممتازة...
و قطع الغيار كلها متوفرة و بسعر اى عربية....

رد: استفسار من اهل الخبر للميجان
 

شكرا يا فادى انت الوحيد الى رديت عليا يا ريت الشباب الى تدخل تشاركنى الراى يعنى يا فادى الى بسمعوه ده ايه وبعدين الحاج قلى لما تحب تبيعها هتقعد جمبها معليش فى السوال انت راكب ميجان

رد: استفسار من اهل الخبر للميجان
 

اقتباس:

المشاركة الأصلية كتبت بواسطة fadymedhat (المشاركة 801094) ياباشا احنا طلاب جامعيين زى بعض....الميجان عربية فوق الممتازة و شيك و فخمة...و انت ماشى بيها تحس ان انت راكب عربية غالية و شيك...

معاك جدا فى الموضوع ده أؤيدك بشدة لأنها عربية عمى وركبتها وسافرت بيها

اقتباس:

المشاركة الأصلية كتبت بواسطة ابو حميد (المشاركة 801142) شكرا يا فادى انت الوحيد الى رديت عليا يا ريت الشباب الى تدخل تشاركنى الراى يعنى يا فادى الى بسمعوه ده ايه وبعدين الحاج قلى لما تحب تبيعها هتقعد جمبها معليش فى السوال انت راكب ميجان

أكيد معاه ميجان لأنه بيتكلم كأنه معاه أختها وحاسس بالأسعار
وياسلام بقى لو بتتصلح فى التوكيل


حاجة أخيرة بقى عشان تبقى عارف قطع يارها مليا السوق جديدة وأصليه ومش ملعوب فيها
ولو هتصلحها فى التوكيل فرق السعر مش كتير لكن طبعا بتوع التوكيل محترمين وبيدوا ضمان على التصليح ونضاف جداااا
وخصوصا توكيل الميكانيكيون العرب توكيل رينو الصراحة ماشفتش معاملة أحسن من كده آسف للإطالة

رد: استفسار من اهل الخبر للميجان
 

شكرا للاخ هشام الجزار الصراحه بقالى فتره بسال على الميجان الى يقولك تكيف تعبان والى يقول قطع غاليه والى يقول كل شويه اعطال والى يعرف انى هجيب 2005 يقولى الفتيس تعبان واللى مخلينى مش راضى اخد الخطوه سعر اعاده البيع كل بيقولى فى الموضوع ده مش هتعرف تبيعها