بعد ضبط الاتزان .فى حدفة شمال
 

عملت ضبط الاتزان امس فى ميشلان ( بعد تغيير السوست والمساعدين والتيش والبارات )
وعملت مشوار بالعربيه - ولقيت العربيه فيها ميله بسيطه جدا جدا وانا ماشي تجاه الشمال
ولما بدوس الفرامل بتحدف شمال - مش جامد - لكن بتحدف

فنى الاتزان قال لى اروح لبتاع لحام
والحم راس المسمار بالقنطره لانه بفلت فى الربط
وقلت له ارجع لك بعد كده - فقال - لا- هى كده اتظبطت
وانا لحمت راس المسمار بالقنطره فعلا امس

اول ما نزلت لمست جنط الحديد للعجلة الشمال وباقي العجل ولم الاحظ سخونيه

فكدا ضبطته الاتزان مش كامله - ولا ممكن يكون حاجه تانيه

كمان انا هبدل العجل
يبقي اعمل ضبط الاتزان من جديد

رد: بعد ضبط الاتزان .فى حدفة شمال
 

لحام راس المسمار بالقنطرة؟؟؟؟
حضرتك تقصد المسمار الطويل اللى بيركب فية جلد المقصات؟
لو كدة طب هاتفكة تانى ازاى وبعدين مهى سخونة اللحام هاتسيح كاوتش او جلب المقصات

والحدفة الشمال ممكن تكون من عدم تساوى ارتفاع العربية من اليمين عن الشمال او كاوتش ضغطة مش مظبوط

او فى عجلة تقيلة عن عجلة ممكن تيل او بلية مربوط عليها اكتر من اللازم

رد: بعد ضبط الاتزان .فى حدفة شمال
 

انا اتلخبطت جامد
انا مش عارف المسمار بيمسك فى ايه
لو قلنا ان القنطره تشبه ال u
http://www.masr1.com/di-R1B6.jpg

رد: بعد ضبط الاتزان .فى حدفة شمال
 

وباقى الاسئلة
دلوقتى انا هبدل العجل
يبقي اعمل اتزان من جديد
؟؟

هبلغه على الحدفه

والاحتمالات الكتير اللى حضرتك قلتها - ممكن الاتزان يكون واحد منها -


هحاول اصور مكان اللحام

لو لسه موجوده اعمل ايه ؟


فى حاجتين بالنسبه للارتفاع

1-- فى تركيب السوسته الاولى مكانتشي راضيه تركب وخبط عليها بالشاكوش كزا مره
وفى الاخر استخدم ضاغط بيمسك السوسته ويربط بالمسمار لحد ما يضغط السوسته ليقلل الارتفاع وبعدين ركب وفك الضاغط - وفى السوسته التانيه استخدم الضاغط على طول من غير شاكوش
---- اعتقد السوسته مش بالهشاشه اللى يخليها تتاثر بالطرق بالشاكوش -- ولا ممكن ويكون اثر على مستوى الارتفاع ؟؟


2-- فى ضبط الاتزان كان فى السابق اضاف ورد للتعليه
وفى المره دى غير فى ورد التعديل - ممكن يكون ده له تاثير
؟

رد: بعد ضبط الاتزان .فى حدفة شمال
 

اعتقد كدة بالظبط
والشاكوش ولا المزبة حتى تعمل حاجة فى السوستة وهو ركبهم بزرجينة سوست عادى دة اللى متبع
ممكن تكون العربية عالية من الخلف يمين مثلا عن الشمال