|
قدامى شاهين 96 ماتور 1300 فابريقة برا وجوا تعمل كام؟
رحت ابص انا وواحد قريبى سواق وكان شغال سمكرى وبصينا على عربية شاهين موديل 1996 ماتور 1300 العربية واقفة على حالها وفعلا طلعت فبريقة برا وجوا حتى هى عايزة وش نظافة لان حالة الدهان زى اللى اتعرض للشمس كتير
طبعا مفيش تكييف ولا باور ولا سنتر ولا زجاج كهربا وشفنا كنظرة مبدئية انه فبريقة برا وجوا والماتور نضيف كنظرة مبدئيةوهو عامل فيه صيانة وسرفيس من اسبوع وغير اسبريتير . جنوط اسبور والكاوتش جديد حالة الصالون سىء جدا الكراسى وفرش الابواب وفرامل اليد مش شغالة هل تصليحها بسيط؟ ورخصة سارية 8 شهور وهنكمل فحص ليها النهاردة فى وجود ميكانيكى عشان كنا بليل وكنا بنبص على الشنطة ورا بكشاف فهل لو العربية بحالتها هو فى واحد قالنا ان الشاهين 96 وحالتها كويسة 21 الف جنيه وطبعا صاحب العربية دى طالب كبداية 26 الف فعدل ربنا كدا هى من كام لكام ؟ |
رد: قدامى شاهين 96 ماتور 1300 فابريقة برا وجوا تعمل كام؟
معنى وجود مشاهدة ان فى حياة طب ليه مفيش تفاعل فى الحياة:w6w200504112236376 d خصوصا ان الشاهين سيارة تهم شريحة كبيرة من المهتمين بركوب سيارة فى مصر :fun_car:
|
رد: قدامى شاهين 96 ماتور 1300 فابريقة برا وجوا تعمل كام؟
ربنا يوفقك وفى أنتظار خبراء المنتدى
متابع بأهتمام |
رد: قدامى شاهين 96 ماتور 1300 فابريقة برا وجوا تعمل كام؟
لو خلصت 23000 جنيه يبقي حلو :fun_36_3_13[1]:
|
رد: قدامى شاهين 96 ماتور 1300 فابريقة برا وجوا تعمل كام؟
تقريبا الموتور الـ 1300 سي سي كان مودلين بس 95 و 96
العربية دى توبها اعتقد 25 الف جنية بس لو مش هاتصرف عليها انما انت عندك مصروف فى الصالون ووش نضافة الصالون باى حال من الاحوال هاياخد 1000 جنية ووش النضافة اقل حاجة 500 جنية الى 1000 جنية يبقى كدة العربية هاتصرف 2000 جنية نخصمهم من تمنها يبقى السعر العادل 23 الف |
| الساعة الآن 10:58 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017